റിയാദ്: ഉപഭോക്താക്കൾക്ക് ആരോഗ്യകരമായ ഭക്ഷണം ഉറപ്പാക്കുന്നതിന്റെ ഭാഗമായി, സൗദി അറേബ്യയിലെ എല്ലാ റസ്റ്റോറന്റുകളും വിൽക്കുന്ന ഭക്ഷണ സാധനങ്ങളുടെ ചേരുവകൾ വെളിപ്പെടുത്തണമെന്ന് സൗദി ഫുഡ് ആൻഡ് ഡ്രഗ് അതോറിറ്റി (എസ്‌എഫ്‌ഡി‌എ) ഉത്തരവ് പുറപ്പെടുവിച്ചു. 

2025 ജൂലൈ 1 മുതൽ ഈ നിയമം കർശനമായി പ്രാബല്യത്തിൽ വരുമെന്ന് അതോറിറ്റി പ്രഖ്യാപിച്ചു. റസ്റ്റോറന്റുകൾ, കഫേകൾ, ഓൺലൈൻ ഡെലിവറി പ്ലാറ്റ്‌ഫോമുകൾ എന്നിവയുൾപ്പെടെ എല്ലാത്തരം ഭക്ഷ്യ വിതരണ സ്ഥാപനങ്ങൾക്കും ഈ പുതിയ നിയമം ബാധകമാണ്. 

 പ്രിന്റ് ചെയ്തതും ഓൺലൈൻ മെനുകളിലും ഭക്ഷണത്തിന്റെ ചേരുവകൾ വ്യക്തമായി പട്ടികപ്പെടുത്തിയിരിക്കണം. ഇത് ഉപഭോക്താക്കൾക്ക് അവർ കഴിക്കുന്ന ഭക്ഷണത്തെക്കുറിച്ച് വ്യക്തമായ ധാരണ നൽകുകയും ആരോഗ്യകരമായ ഭക്ഷണ തിരഞ്ഞെടുപ്പുകൾ നടത്താൻ അവരെ സഹായിക്കുകയും ചെയ്യും.

ഉപ്പ് കൂടുതലടങ്ങിയ ഭക്ഷണങ്ങൾക്ക് സമീപം ഒരു സാൾട്ട് ഷേക്കറിന്റെ ചിഹ്നം നിർബന്ധമായും പ്രദർശിപ്പിക്കണം.പാനീയങ്ങളിലെ കഫീന്റെ അളവ് കൃത്യമായി രേഖപ്പെടുത്തണം. ഓരോ ഭക്ഷണ പദാർത്ഥത്തിലെയും കലോറി അളവ് വ്യക്തമാക്കുകയും, ആ കലോറി എരിച്ചുകളയാൻ സാധാരണയായി എത്ര സമയം എടുക്കും എന്നതിന്റെ വിവരവും നൽകണം.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്