ഗുവാഹത്തി: വിവാഹം കഴിഞ്ഞ് മാസങ്ങള് മാത്രം പിന്നിട്ട ഇരുപത്തിയഞ്ചുകാരിയെ അപ്പാര്ട്ട്മെന്റില് ക്രൂരമായി കൊലപ്പെടുത്തിയ നിലയില് കണ്ടെത്തി. ഗുവാഹത്തി സ്വദേശിനിയായ റിയ താലൂക്ദാറാണ് കൊല്ലപ്പെട്ടത്. സംഭവത്തിനു ശേഷം ഒളിവില് പോയ ഭര്ത്താവ് പൊലീസില് കീഴടങ്ങി.
അപ്പാര്ട്ട്മെന്റില് നിന്ന് ദുര്ഗന്ധം വമിച്ചതിനെ തുടര്ന്ന് അയല്വാസികള് പൊലീസില് വിവരമറിയിക്കുകയായിരുന്നു. കഴിഞ്ഞ രണ്ട് ദിവസമായി ദമ്പതികളെ പുറത്തുകണ്ടിരുന്നില്ലെന്നും ഇവരുടെ ഫോണുകള് സ്വിച്ച് ഓഫ് ചെയ്ത നിലയിലായിരുന്നുവെന്നും അയല്വാസികള് പറഞ്ഞു. വിവരമറിഞ്ഞെത്തിയ പൊലീസ് വീടിന്റെ പൂട്ട് പൊളിച്ച് അകത്തുകയറിയപ്പോഴാണ് റിയയുടെ മൃതദേഹം കണ്ടെത്തിയത്.
തലയില്ലാത്ത നിലയിലായിരുന്ന മൃതദേഹം അഴുകിത്തുടങ്ങിയിരുന്നു. കൂടാതെ കൈവിരലുകള് പകുതിയോളം മുറിച്ചുമാറ്റിയ നിലയിലുമായിരുന്നു. തുടര്ന്ന് പൊലീസ് നടത്തിയ പരിശോധനയിലാണ് റിയയുടെ തല അപ്പാര്ട്ട്മെന്റിലെ ഫ്രിജിനുള്ളില് പ്ലാസ്റ്റിക് കവറില് പൊതിഞ്ഞ നിലയില് കണ്ടെത്തിയത്.
വെള്ളിയാഴ്ചയാണ് പ്രതിയായ ഭര്ത്താവിനെ അയല്വാസികള് അവസാനമായി കണ്ടത്. ഇയാള്ക്കായി പൊലീസ് അന്വേഷണം ഊര്ജിതമാക്കിയതിനിടെയാണ് പ്രതി സ്റ്റേഷനിലെത്തി സ്വയം കീഴടങ്ങിയത്. ഇയാളുടെ അറസ്റ്റ് രേഖപ്പെടുത്തി.
മൃതദേഹവും വേര്പ്പെടുത്തിയ തലയും പോസ്റ്റ്മോര്ട്ടം നടപടികള്ക്കായി ആശുപത്രിയിലേക്ക് മാറ്റി. പിടിയിലായ പ്രതിയെ പൊലീസ് വിശദമായി ചോദ്യം ചെയ്തുവരികയാണ്. കൊലപാതകത്തിന് പിന്നിലെ യഥാര്ത്ഥ കാരണമെന്താണെന്ന് വ്യക്തമായിട്ടില്ലെന്നും സംഭവത്തില് മറ്റാര്ക്കെങ്കിലും പങ്കുണ്ടോ എന്നതടക്കമുള്ള കാര്യങ്ങളില് അന്വേഷണം പുരോഗമിക്കുകയാണെന്നും പൊലീസ് അറിയിച്ചു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-(2)-20260907014939.jpg)
-20260525021254.webp)
-6-20260113024611.webp)
