തിരുവനന്തപുരം: മുന്ഗണന വിഭാഗത്തിലെ റേഷന് കാര്ഡ് മസ്റ്ററിങ്ങിനുള്ള സമയപരിധി നീട്ടി.
ഇനി 16 ശതമാനത്തോളം വരുന്ന മുന്ഗണനാ കാര്ഡ് അംഗങ്ങളാണ് മസ്റ്ററിങ് പൂര്ത്തിയാക്കാനുള്ളത്. നവംബര് അഞ്ച് വരെയാണ് സമയപരിധി നീട്ടി നല്കിയിരിക്കുന്നത്.
മുന്ഗണനാ വിഭാഗത്തില്പ്പെട്ട എല്ലാ അംഗങ്ങള്ക്കും മസ്റ്ററിങിനുള്ള അവസരം ഉണ്ടാകും. മസ്റ്ററിങ് 100 ശതമാനം പൂര്ത്തിയാക്കാന് കഴിയുമെന്നാണ് പ്രതീക്ഷിക്കുന്നതെന്ന് ഭക്ഷ്യ പൊതുവിതരണ വകുപ്പ് മന്ത്രി ജിആർ അനിൽ അറിയിച്ചു.
മുന്ഗണനാ വിഭാഗത്തിലെ റേഷന് കാര്ഡ് മസ്റ്ററിങിന്റെ സമയപരിധി ഒക്ടോബര് 25ന് അവസാനിച്ചിരുന്നു. ഇനിയും മസ്റ്ററിങ് പൂര്ത്തിയാക്കാന് നിരവധി പേരുള്ള സാഹചര്യത്തിലാണ് സമയപരിധി നീട്ടി നല്കിയത്. നിലവില് 83.67 ശതമാനം പേര് മസ്റ്ററിങ് പൂര്ത്തിയാക്കിയിട്ടുണ്ട്.
മസ്റ്ററിങ് ഈ മാസം അവസാനത്തിനുള്ളിൽ പൂർത്തിയാക്കാൻ കഴിയാത്തവർക്ക് റേഷൻ വിഹിതം ലഭിക്കില്ല എന്നതായിരുന്നു കേന്ദ്രസർക്കാരിൻറെ താക്കീത്. എന്നാൽ മസ്റ്ററിംഗ് ചെയ്യുന്നതിന് സാവകാശം തേടി സംസ്ഥാന സർക്കാർ രണ്ടുമാസം ആവശ്യപ്പെട്ട് കത്തയച്ചിരുന്നു. ഈ കത്തിന് കേന്ദ്രസർക്കാർ നിലവിൽ മറുപടി നൽകിയിട്ടില്ല.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്