ഫോമാ സെൻട്രൽ റീജിയന്റെ ആഭിമുഖ്യത്തിൽ ജൂലായ് 17ന് വൈകുന്നേരം 7 മണിക്ക് ഒരു പ്രത്യേക അനുമോദന ചടങ്ങ് സംഘടിപ്പിക്കുന്നു. ഈ ചടങ്ങിൽ, ഈ വർഷം ഹൈസ്കൂൾ വിദ്യാഭ്യാസം വിജയകരമായി പൂർത്തിയാക്കി മികച്ച നേട്ടം കൈവരിച്ച വിദ്യാർത്ഥികളെ ആദരിക്കുന്നതോടൊപ്പം, ഫോമാ സെൻട്രൽ റീജിയന്റെ ഉദാരമനസ്കരായ സ്പോൺസർമാരുടെ സഹകരണത്തോടെ സ്കോളർഷിപ്പുകളും ക്യാഷ് അവാർഡുകളും വിതരണം ചെയ്യുന്നതാണ്.
നമ്മുടെ യുവതലമുറയുടെ വിദ്യാഭ്യാസ മികവിനെയും കഠിനാധ്വാനത്തെയും പ്രോത്സാഹിപ്പിക്കുകയും അവരുടെ ഭാവി വിജയങ്ങൾക്ക് ആശംസകൾ നേർക്കുകയും ചെയ്യുന്ന ഈ ചടങ്ങ് എല്ലാവർക്കും അഭിമാന നിമിഷമായിരിക്കും.
അതോടൊപ്പം, ഇന്ത്യൻ സംഗീതരംഗത്ത് ശ്രദ്ധേയമായ നേട്ടങ്ങൾ കൈവരിച്ച ലിസി ഫെർണാണ്ടസിനെയും അവരുടെ മികച്ച കലാസേവനത്തിനും ശ്രദ്ധേയമായ സംഭാവനകൾക്കും ആദരിക്കുന്ന പ്രത്യേക ചടങ്ങും ഉണ്ടായിരിക്കുന്നതാണ്.
വേദി: ഷിക്കാഗോ മലയാളി അസോസിയേഷൻ ഹാൾ, 834 E. Rand Road, Suite #13, Mount Prospect, IL 60056
നമ്മുടെ സമൂഹത്തിലെ യുവപ്രതിഭകളെയും വിശിഷ്ട വ്യക്തിത്വങ്ങളെയും ആദരിക്കുന്ന ഈ മനോഹരമായ സായാഹ്നത്തിൽ നിങ്ങളുടെ സാന്നിധ്യം ഈ പരിപാടിയുടെ മാറ്റുകൂട്ടും. അതിനാൽ നിങ്ങളും കുടുംബാംഗങ്ങളും സുഹൃത്തുക്കളും നിർബന്ധമായും പങ്കെടുക്കണമെന്ന് ഫോമാ സെൻട്രൽ റീജിയൻ ഹൃദയപൂർവ്വം അഭ്യർത്ഥിക്കുന്നു.
നിങ്ങളുടെ തുടർച്ചയായ സ്നേഹത്തിനും പിന്തുണയ്ക്കും സഹകരണത്തിനും ആത്മാർത്ഥമായ നന്ദി അറിയിക്കുന്നു. നമുക്കെല്ലാവർക്കും ഒരുമിച്ച് ഈ സന്തോഷ നിമിഷങ്ങൾ ആഘോഷിക്കാം.
എല്ലാവരെയും സ്നേഹപൂർവ്വം സ്വാഗതം ചെയ്യുന്നു.
നന്ദി. ദൈവം ഏവരെയും സമൃദ്ധമായി അനുഗ്രഹിക്കട്ടെ!
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260514102616.jpg)
-20201011060831.jpg)
