ശാരീരികമായും മാനസികമായും ക്രൂരമായി പീഡിപ്പിച്ചു; കൽപ്പറ്റയിലെ എൽഡിഎഫ് സ്ഥാനാർത്ഥിയായിരുന്ന പികെ അനിൽകുമാറിനെതിരെ പരാതിയുമായി ഭാര്യ

MAY 12, 2026, 8:14 PM

കൽപ്പറ്റ: കഴിഞ്ഞ നിയമസഭാ തെരഞ്ഞെടുപ്പിൽ കൽപ്പറ്റ മണ്ഡലത്തിലെ എൽഡിഎഫ് സ്ഥാനാർത്ഥിയായിരുന്ന പി.കെ. അനിൽകുമാറിനെതിരെ ശാരീരിക പീഡന പരാതി നൽകി ഭാര്യ മഞ്ജുള മധുസൂദനൻ.

തന്നെ കൊലപ്പെടുത്തുമെന്ന് ഭീഷണിപ്പെടുത്തിയതായും ശാരീരികമായും മാനസികമായും ക്രൂരമായി പീഡിപ്പിച്ചതായും പരാതിയിൽ പറയുന്നു.അനിൽകുമാറിന് മറ്റൊരു സ്ത്രീയുമായി ഉണ്ടായിരുന്ന അവിഹിത ബന്ധത്തെ മഞ്ജുള ചോദ്യം ചെയ്തതാണ് പീഡനത്തിന് കാരണമായതെന്ന് പരാതിയിൽ ആരോപിക്കുന്നുണ്ട്.

വീട്ടിൽ വെച്ചും അല്ലാതെയുമുള്ള നിരന്തരമായ മാനസിക പീഡനങ്ങളെത്തുടർന്നാണ് പോലീസിനെ സമീപിക്കാൻ തീരുമാനിച്ചതെന്ന് അവർ പറഞ്ഞു.ഭാര്യ നൽകിയ പരാതിയുടെ അടിസ്ഥാനത്തിൽ അനിൽകുമാറിനെതിരെ മേപ്പാടി പോലീസ് കേസെടുത്തു.