'അമ്മയിൽ നടക്കുന്നത് നീതി നിഷേധം, ഓഫീസ് സ്റ്റാഫിന്റെ പരാതിയിൽ തന്നെ കേട്ടില്ല'; സംഘടനക്കെതിരെ രൂക്ഷ വിമർശനവുമായി ട്രഷറർ ഉണ്ണിശിവപാൽ

JUNE 20, 2026, 9:32 PM

കൊച്ചി: താരസംഘടനയായ അമ്മയിൽ ജനറൽ ബോഡി ഇന്ന് ചേരാനിരിക്കെ സംഘടനക്കെതിരെ രൂക്ഷ വിമർശനവുമായി ട്രഷറർ ഉണ്ണിശിവപാൽ രംഗത്ത്.സംഘടനയുടെ വാട്സ് ആപ്പ് ഗ്രൂപ്പിലെ വീഡിയോയിലാണ് ഉണ്ണി ശിവപാൽ വിമർശനവുമായി രംഗത്തുവന്നിരിക്കുന്നത്.

അമ്മയിൽ നടക്കുന്നത് നീതി നിഷേധമെന്നും ഓഫീസ് സ്റ്റാഫിന്റെ പരാതിയിൽ തന്നെ കേട്ടില്ലെന്നുമാണ് ഉണ്ണി ശിവപാൽ വിഡിയോയിൽ പറയുന്നത്.

അതേസമയം, മുതിർന്ന താരങ്ങളായ മമ്മൂട്ടി, മോഹൻലാൽ ഉൾപ്പെടെ യോഗത്തിൽ പങ്കെടുക്കുമെന്നാണ് പുറത്തുവരുന്ന വിവരങ്ങൾ. അൻസിബ ഹസന്‍റെ പരാതികൾ മുതൽ അമ്മയിലെ തുടർപ്പിണക്കങ്ങൾ വരെയുള്ള നിരവധി പ്രശ്നങ്ങൾക്കാണ് ഇന്നത്തെ യോഗത്തിൽ പരിഹാരം കാണേണ്ടത്.