ആറന്മുളയിൽ വോട്ടെണ്ണലിനിടെ യുഡിഎഫ് ഏജന്റ് കുഴഞ്ഞുവീണു; ആശുപത്രിയിലേക്ക് മാറ്റി

MAY 3, 2026, 9:55 PM

പത്തനംതിട്ട: ആറന്മുള നിയമസഭാ മണ്ഡലത്തിലെ വോട്ടെണ്ണൽ കേന്ദ്രത്തിൽ യുഡിഎഫ് കൗണ്ടിംഗ് ഏജന്റ് കുഴഞ്ഞുവീണു. മല്ലപ്പുഴശ്ശേരി സ്വദേശിയായ ടെറിൻ ആണ് വോട്ടെണ്ണൽ പുരോഗമിക്കുന്നതിനിടെ തളർന്നുവീണത്. ചെന്നീർക്കര കേന്ദ്രീയ വിദ്യാലയത്തിൽ സജ്ജീകരിച്ചിരിക്കുന്ന വോട്ടെണ്ണൽ കേന്ദ്രത്തിലാണ് സംഭവം നടന്നത്.

ഉടൻതന്നെ അവിടെയുണ്ടായിരുന്ന ആരോഗ്യപ്രവർത്തകരും സഹപ്രവർത്തകരും ചേർന്ന് ഇദ്ദേഹത്തിന് പ്രാഥമിക ശുശ്രൂഷ നൽകുകയും തുടർന്ന് വിദഗ്ധ ചികിത്സയ്ക്കായി ആശുപത്രിയിലേക്ക് മാറ്റുകയും ചെയ്തു.

വോട്ടെണ്ണൽ കേന്ദ്രത്തിലെ കടുത്ത ചൂടും മാനസിക സമ്മർദ്ദവുമാകാം ശാരീരിക അസ്വാസ്ഥ്യത്തിന് കാരണമെന്നാണ് പ്രാഥമിക നിഗമനം. സംഭവത്തെത്തുടർന്ന് കേന്ദ്രത്തിൽ നേരിയ പരിഭ്രാന്തി പരന്നെങ്കിലും വോട്ടെണ്ണൽ തടസ്സമില്ലാതെ തുടരുന്നുണ്ട്.