കോഴിക്കോട് 16കാരിയെ കൊലപ്പെടുത്തി ബന്ധു ആത്മഹത്യ ചെയ്തു

APRIL 13, 2026, 11:50 PM

കോഴിക്കോട് ജില്ലയിലെ ഈസ്റ്റ് മൂഴിക്കലിൽ ദാരുണമായ സംഭവം. 16 വയസ്സുകാരിയായ പെൺകുട്ടിയെ ശ്വാസംമുട്ടിച്ച് കൊലപ്പെടുത്തിയതിന് പിന്നാലെ ബന്ധുവായ യുവാവ് ആത്മഹത്യ ചെയ്‌തതായി റിപ്പോർട്ട്.

ഇരുവരും സഹോദരങ്ങളുടെ മക്കളാണെന്ന് സ്ഥിരീകരിച്ചിട്ടുണ്ട്. സംഭവം പ്രദേശത്തെ ജനങ്ങളെ നടുക്കിയിരിക്കുകയാണ്. വീട്ടിനുള്ളിലായിരുന്നു സംഭവം നടന്നത് എന്നാണ് പ്രാഥമിക വിവരം.

പെൺകുട്ടിയെ ശ്വാസംമുട്ടിച്ച് കൊന്ന ശേഷം യുവാവ് സ്വന്തം ജീവൻ അവസാനിപ്പിച്ചുവെന്നാണ് ലഭിക്കുന്ന റിപ്പോർട്ട്. സംഭവത്തിന്റെ യഥാർത്ഥ കാരണം വ്യക്തമല്ല.

പോലീസ് സ്ഥലത്തെത്തി അന്വേഷണം ആരംഭിച്ചിട്ടുണ്ട്. മൃതദേഹങ്ങൾ പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി. കൂടുതൽ വിവരങ്ങൾ അന്വേഷണം പുരോഗമിക്കുന്നതിനനുസരിച്ച് പുറത്തുവരുമെന്ന് അധികൃതർ അറിയിച്ചു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്