പിഎസ്‌സി പരീക്ഷാ ക്രമക്കേട്: വിജിലന്‍സ് അന്വേഷിക്കും; സർക്കാരിന് നിയമോപദേശം

JULY 6, 2026, 12:19 AM

തിരുവനന്തപുരം: പിഎസ്‌സി പരീക്ഷാ ക്രമക്കേട് കേസിൽ വിജിലൻസ് അന്വേഷണം നടത്താൻ സർക്കാർ നീങ്ങുന്നതായി റിപ്പോർട്ട്. ഇതുസംബന്ധിച്ച നിയമോപദേശം സർക്കാരിന് ലഭിച്ചതിനെ തുടർന്നാണ് അന്വേഷണം വിജിലൻസിന് കൈമാറാനുള്ള നടപടികൾ ആരംഭിച്ചത്. വിഷയത്തിൽ അടുത്ത മന്ത്രിസഭാ യോഗത്തിൽ തീരുമാനമുണ്ടാകുമെന്നാണ് സൂചന.

അന്വേഷണവുമായി ബന്ധപ്പെട്ട കൂടുതൽ വിവരങ്ങൾ തേടുന്നതിനായി ആഭ്യന്തരമന്ത്രി ഇന്ന് ഉന്നത ഉദ്യോഗസ്ഥരുമായി ചർച്ച നടത്തും.

കേസ് അഴിമതി നിരോധന നിയമത്തിന്റെ പരിധിയിൽ വരുന്നതാണെന്നും, പിഎസ്‌സി സംസ്ഥാന സർക്കാരിന്റെ പരിധിയിലുള്ള സ്ഥാപനമായതിനാൽ വിജിലൻസ് അന്വേഷണം നടത്തുന്നതിന് നിയമതടസ്സമില്ലെന്നുമാണ് സർക്കാരിന് ലഭിച്ച നിയമോപദേശം.

എന്നാൽ, പിഎസ്‌സി ഒരു ഭരണഘടനാ സ്ഥാപനമായതിനാൽ ചെയർമാനെയോ അംഗങ്ങളെയോതിരെ സർക്കാർ നേരിട്ട് നടപടിയെടുക്കാൻ കഴിയില്ലെന്നും, ഉയർന്നിരിക്കുന്ന ആരോപണങ്ങൾ വിജിലൻസ് അന്വേഷിക്കുന്നതിൽ നിയമപരമായ തടസ്സമില്ലെന്നും ഉപദേശത്തിൽ വ്യക്തമാക്കുന്നു.

അന്വേഷണം വിജിലൻസിന് കൈമാറിയാൽ ഡിവൈഎസ്‌പിയുടെ നേതൃത്വത്തിലുള്ള പ്രത്യേക അന്വേഷണസംഘം കേസ് അന്വേഷിക്കും.