മൂന്നാര്: യുവതിയെ തട്ടിക്കൊണ്ടുപോയെന്ന വാർത്തയിൽ വൻ ട്വിസ്റ്റ്. തട്ടിക്കൊണ്ടുപോകൽ വാർത്തയ്ക്ക് പിന്നാലെ മണിക്കൂറുകളോളമാണ് മൂന്നാര്, വെള്ളത്തൂവല് സ്റ്റേഷനുകളിലെ പൊലീസുകാര് പരക്കംപാഞ്ഞത്.
31-ന് ഉച്ചകഴിഞ്ഞാണ് ആനച്ചാല് ടൗണില് നിന്ന് യുവതിയെ കാറില് തട്ടിക്കൊണ്ടുപോയെന്നായിരുന്നു സന്ദേശം വന്നത്. പൊലീസിന്റെ ടോള് ഫ്രീ നമ്പറിലേക്ക് ഒരു ടാക്സി ഡ്രൈവറുടെ ഫോണ് കോളായിരുന്നു അത്.
ഇതോടെ മൂന്നാര്, വെള്ളത്തൂവല് സ്റ്റേഷനുകളിലെ ഉദ്യോഗസ്ഥര് വിവിധയിടങ്ങളിലായി പരിശോധന തുടങ്ങി. തുടര്ന്ന് കാറിന്റെ നമ്പര് ലഭിച്ചു. ചിത്തിരപുരം സ്വദേശിയുടേതാണ് കാറെന്ന് പൊലീസ് കണ്ടെത്തി.
തുടർന്ന് പൊലീസ് സംഘം ഉടമയുടെ വീട്ടിലെത്തിയപ്പോഴാണ് സംഭവത്തിന്റെ ട്വിസ്റ്റ് പൊലീസിന് പിടികിട്ടിയത്.
ആനച്ചാല് ടൗണില് വെച്ച് കാറില് നിന്നിറങ്ങുന്നതിനിടെ ഡോറില് തട്ടി താഴെ വീണ ഭാര്യയെ ധൃതിയില് എടുത്ത് കാറില് കിടത്തി വേഗത്തില് പോയതാണ് തട്ടിക്കൊണ്ടുപോകല് കഥയായത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260623070247.jpg)
