മേപ്പാടി: കാട്ടാനയുടെ ആക്രമണത്തില് കൊല്ലപ്പെട്ട യുവതിയുടെ മൃതശരീരവും വഹിച്ച് പൊലീസും കോളനിവാസികളും ഉള്ക്കാട്ടിലൂടെ 20 കിലോമീറ്ററോളം നടന്നതായി റിപ്പോർട്ട്. കാട്ടാനയുടെ ആക്രമണത്തില് കൊല്ലപ്പെട്ട റിപ്പണ് പരപ്പന്പാറ കോളനി മിനി(35)യുടെ മൃതദേഹവും കൊണ്ടാണ് 20 കിലോമീറ്ററോളം ആളുകൾ നടന്നത്.
ഇന്ക്വസ്റ്റ് നടപടികള്ക്ക് ശേഷം മേപ്പാടിയില് നിന്നുള്ള പൊലീസ് സംഘമെത്തിയാണ് നിലമ്പൂര് പോത്തുകല്ലില് മൃതദേഹം എത്തിച്ചത്. തേന് ശേഖരിക്കാന് കാട്ടില് പോയപ്പോഴാണ് മിനിക്കും ഭര്ത്താവ് സുരേഷിനും നേരെ കാട്ടാനയുടെ ആക്രമണമുണ്ടായത്.
അപകടം നടന്ന വിവരം അറിഞ്ഞപ്പോൾ തന്നെ മേപ്പാടിയില് നിന്നുള്ള പൊലീസ് സംഘം ഉള്ക്കാട്ടിലെത്തി ഗുരുതര പരിക്കേറ്റ സുരേഷിനെ ഉടന് ആശുപത്രിയിലേക്ക് കൊണ്ടു പോയിരുന്നു. തുടർന്ന് മിനിയുടെ മൃതദേഹത്തിന്റെ ഇന്ക്വസ്റ്റ് നടപടികള് ആരംഭിച്ചു. എന്നാൽ മൃതശരീരം ദുഷ്കരമായ വനപാതയിലൂടെ കിലോമീറ്ററുകളോളം ചുമന്ന് ആണ് നിലമ്പൂര് പോത്തുകല്ല് ഭാഗത്തേക്ക് എത്തിച്ചത് എന്നാണ് പുറത്തു വരുന്ന വിവരം. തുടർന്ന് അവിടെ നിന്നും ആംബുലന്സില് മഞ്ചേരി മെഡിക്കല് കോളേജിലേക്ക് കൊണ്ട് പോകുകയായിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്