തിരുവനന്തപുരം : അട്ടപ്പാടിയിൽ ഭൂപരിഷ്കരണ നിയമം ലംഘിച്ച് വൻ ഭൂമി വിൽപന. വില്ലേജ് ഓഫീസറുടെ സാക്ഷ്യപത്രത്തിന്റെ ബലത്തിൽ 875 ഏക്കർ ഭൂമിയാണ് വിൽപന നടത്തിയത്.

2023-24 കാലഘട്ടത്തിലാണ് വിൽപന നടന്നത്. വിൽപനക്ക് എതിരായ പരാതിയും വിറ്റ ആളുടെ എതിർ പരാതിയും അന്വേഷിക്കുന്നുവെന്ന് രജിസ്ട്രേഷൻ വകുപ്പ് മന്ത്രി കടന്നപ്പള്ളി രാമചന്ദ്രൻ നിയമസഭയിൽ അറിയിച്ചു.

 ഇതിനെതിരെ ആധാരമെഴുത്ത് അസോസിയേഷൻ നൽകിയ പരാതിയിലും എതിര്‍ പരാതിയിലും അന്വേഷണത്തിന് നിര്‍ദ്ദേശിച്ചെങ്കിലും ഇതുവരെ റിപ്പോര്‍ട്ട് കിട്ടിയില്ലെന്നും മന്ത്രി രാമചന്ദ്രൻ കടന്നപ്പള്ളി നിയമസഭയെ അറിയിച്ചു. 

 എം.കെ മുനീറിന്റെ ചോദ്യത്തിനാണ് മന്ത്രി രേഖാമൂലം മറുപടി നൽകിയത്.ഭൂപരിഷ്കരണ നിയമം പൂർണ്ണമായി ലംഘിച്ചാണ് വൻ വില്പന നടന്നത്.

കോട്ടത്തറ വില്ലേജ് ഓഫീസറുടെ സാക്ഷ്യപത്രത്തിന്റെ ബലത്തിലാണ് 2023- 24 കാലത്ത് വിൽപ്പന നടന്നത്.വിവിധ ദിവസങ്ങളിൽ അഗളി സബ് രജിസ്ട്രാർ ഓഫീസിൽ പതിച്ചത് 183 ആധാരങ്ങളാണ്. 20 പേർ വിറ്റത് 9 സർവേ നമ്പരുകളിൽ ഭൂമിയാണ്.ഗുരുതരമായ ക്രമക്കേട് കണ്ടെത്തി പശ്ചാത്തലത്തിൽ വിൽപ്പനയുമായി ബന്ധപ്പെട്ട പരാതി രജിസ്ട്രേഷൻ വകുപ്പിന് ലഭിച്ചിരുന്നു. 

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്