കേരളത്തിൽ ഏറെ കോളിളക്കമുണ്ടാക്കിയ നടി ആക്രമിക്കപ്പെട്ട കേസിലെ കോടതി വിധി വന്നതിന് പിന്നാലെ പ്രതികരണവുമായി നടി മഞ്ജു വാര്യർ രംഗത്തെത്തി. തൻ്റെ മുൻ ഭർത്താവായ നടൻ ദിലീപ് അടക്കമുള്ള ചില പ്രതികളെ വിചാരണ കോടതി വെറുതെ വിട്ട സാഹചര്യത്തിലാണ്, കുറ്റകൃത്യം ആസൂത്രണം ചെയ്തവർ ഇപ്പോഴും സ്വതന്ത്രരായി നടക്കുന്നു എന്നതിലുള്ള ആശങ്ക മഞ്ജു വാര്യർ പങ്കുവെച്ചത്.

ബഹുമാനപ്പെട്ട കോടതിയോട് ആദരവുണ്ടെങ്കിലും ഈ കേസിൽ അതിജീവിതയ്ക്ക് നീതി പൂർണ്ണമായും ലഭിച്ചു എന്ന് പറയാനാവില്ലെന്നാണ് മഞ്ജു വാര്യർ സാമൂഹ്യ മാധ്യമങ്ങളിൽ കുറിച്ചത്. “കാരണം, കുറ്റം ചെയ്തവർ മാത്രമേ ഇപ്പോൾ ശിക്ഷിക്കപ്പെട്ടിട്ടുള്ളൂ. ഇത് ആസൂത്രണം ചെയ്തവർ, അത് ആരായാലും, അവർ പുറത്ത് പകൽ വെളിച്ചത്തിലുണ്ട് എന്നത് ഭയപ്പെടുത്തുന്ന ഒരു യാഥാർഥ്യമാണ്,” അവർ പോസ്റ്റിൽ പറയുന്നു.

ആസൂത്രണം ചെയ്തവർ കൂടി ശിക്ഷിക്കപ്പെട്ടാൽ മാത്രമേ അതിജീവിതയ്ക്കുള്ള നീതി പൂർണ്ണമാവുകയുള്ളൂ എന്നും പോലീസിലും നിയമസംവിധാനത്തിലും തനിക്കുൾപ്പെടെയുള്ള സമൂഹത്തിനുള്ള വിശ്വാസം ദൃഢമാവുകയുള്ളൂ എന്നും മഞ്ജു വാര്യർ അഭിപ്രായപ്പെട്ടു. ഈ നിയമപോരാട്ടം അതിജീവിതയ്ക്ക് വേണ്ടി മാത്രമല്ല, ഈ നാട്ടിലെ ഓരോ പെൺകുട്ടിക്കും, ഓരോ സ്ത്രീക്കും, ഓരോ മനുഷ്യർക്കും കൂടി വേണ്ടിയാണെന്നും അവർ കൂട്ടിച്ചേർത്തു. തൊഴിലിടങ്ങളിലും തെരുവിലും ജീവിതത്തിലും ഭയമില്ലാതെ തലയുയർത്തിപ്പിടിച്ച് നടക്കാൻ കഴിയുന്ന സാഹചര്യം ഉണ്ടാകണമെന്നും അന്നും, ഇന്നും, എന്നും അതിജീവിതയ്ക്കൊപ്പം എന്ന ഉറപ്പ് നൽകിക്കൊണ്ടുമാണ് മഞ്ജു വാര്യർ തൻ്റെ പോസ്റ്റ് അവസാനിപ്പിച്ചത്.

ആറു പ്രതികളെ കോടതി ശിക്ഷിച്ചതിന് പിന്നാലെയാണ് അതിജീവിതയുടെ പ്രതികരണവും, തൊട്ടുപിന്നാലെ മഞ്ജു വാര്യരുടെ വിമർശനപരമായ പ്രതികരണവും വരുന്നത്.

English Summary: Actress Manju Warrier reacted to the court verdict in the Actress Attack Case stating that justice for the survivor is incomplete because only the direct perpetrators of the crime have been convicted. She expressed fear that those who conspired the heinous act are still free in daylight and emphasized that the masterminds must be punished to uphold public faith in the judiciary and police system. Keywords Manju Warrier Actress Attack Case Court Verdict Conspiracy Justice.

Tags: Manju Warrier, Actress Attack Case, Court Verdict, Dileep, Conspiracy, Justice, Kerala News, Malayalam Cinema, കേരള വാർത്ത, മഞ്ജു വാര്യർ, നടി ആക്രമിക്കപ്പെട്ട കേസ്, Malayalam News, News Malayalam, Latest Malayalam News, Vachakam News.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്