ബ്രഹ്മാകുമാരീസ് ഗ്ലോബൽ സമ്മിറ്റ് 

2025 സുസ്ഥിര ഭാവിക്ക് പ്രചോദനം നൽകുന്ന ഐക്യത്തെയും വിശ്വാസത്തെയും കുറിച്ചുള്ള ഉച്ചകോടിയായി ഒക്ടോബർ 10 മുതൽ 13 വരെ രാജസ്ഥാനിൽ അതിവിപുലമായി അരങ്ങേറിയിരുന്നു.

കേരളത്തിലെ പ്രശസ്ത പരിസ്ഥിതി പ്രവർത്തകനും ജൈവകൃഷി പ്രചാരകനും പ്രകൃതിജീവന ആചാര്യനുമായ കെ.വി. ദയാലിന് ബ്രഹ്മകുമാരീസ് എന്ന മഹത്തായ ആത്മീയ പ്രസ്ഥാനത്തിന്റെ  രാജസ്ഥാനിലുള്ള Head Quartserൽ വച്ച് 'Guardian of Humantiy' പുരസ്‌ക്കാരം നല്കി ആദരിക്കുകയുണ്ടായി.
2025 ഒക്ടോബർ 10 -ാം തിയതി നടന്ന Global Summit ൽ വച്ചാണ് ഈ അവാർഡ് സമ്മാനിച്ചത്. ഈ വർഷത്തെ Global Summit ന്റെ theme, 'Untiy & Trust : Inspiring a Sustainable Future' എന്നായിരുന്നു.
മാനവരാശിയുടെ സർവ്വതോന്മുഖമായ ഉത്ക്കർഷത്തിനു വേണ്ടി കെ.വി. ദയാൽ വിഭാവനം ചെയ്തു നടപ്പിലാക്കി വരുന്ന ബഹുമുഖകർമ്മമേഖലകൾ തന്നെയാണ് ഈ ആശയം ഉൾക്കൊള്ളുന്നത്. അതുകൊണ്ടു തന്നെ Global Summit വേദിയിൽ 25000 ൽ പരം സദസ്യരെ സാക്ഷി നിർത്തി അദ്ദേഹം നടത്തിയ പ്രഭാഷണം സകലരുടെയും മനം കവർന്നു. ഒരു കർമ്മയോഗിക്കു മാത്രമേ ഇത്ര സുവ്യക്തവും ലളിതവുമായ വാക്കുകളിൽ മഹത്തായ ആശയങ്ങൾ ഇതേവിധം ആഗോളതലത്തിൽ പ്രസരിപ്പിക്കുവാൻ സാധിക്കുകയുള്ളു.

വാനപ്രസ്ഥം സോഷ്യൽ എഡ്യൂക്കേഷൻ മൂവ്‌മെന്റിന്റെയും ഗ്ലോബൽ കമ്മ്യൂണിറ്റിയുടെയും സ്ഥാപക ചെയർമാനായ കെ.വി. ദയാൽ എഴുപത്തിയൊമ്പതാം വയസ്സിലും ചുറുചുറുക്കോടെ തന്റെ അനന്യസാധാരണമായ പ്രകൃതിസ്‌നേഹത്തിന്റെ ആശയങ്ങൾ ലോകത്തിന് പകർന്നു നൽകാൻ നിരവധി പദ്ധതികളുമായി മുന്നേറുന്നു. പ്രശസ്തമായ നിരവധി അവാർഡുകൾ നേടിയ അദ്ദേഹം

കോട്ടയം എം.ജി. യൂണിവേഴ്‌സിറ്റി കോഴ്‌സ് ഇൻചാർജ്  ജൈവകൃഷി (സർട്ടിഫിക്കറ്റും ഡിപ്ലോമയും), ആർട്ട് ഓഫ് ഹാപ്പിനസ് (സർട്ടിഫിക്കറ്റ് കോഴ്‌സ്) എന്ന നിലയിൽ സ്തുത്യർഹമായ സേവനം. കാഴ്ചവെച്ചുകൊണ്ടിരിക്കയായിരുന്നു.

ഡോ. മാത്യു ജോയിസ്

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്