-20260319121731.jfif)
എറണാകുളം: കൊച്ചി മെട്രോ റെയിൽ നിർമ്മാണ സ്ഥലത്ത് നിന്നും ഇരുമ്പുകഷണം കാറിന് മുകളിൽ വീണ് സ്ത്രീക്ക് പരിക്കേറ്റ സംഭവത്തിൽ ആർഡിഒ അന്വേഷണം നടത്തണമെന്ന് മനുഷ്യാവകാശ കമ്മീഷൻ ചെയർപേഴ്സൺ ജസ്റ്റിസ് അലക്സാണ്ടർ തോമസ് ജില്ലാ കളക്ടർക്ക് നിർദേശം നൽകി.
അപകടം ഉണ്ടാകാൻ കാരണമായ സാഹചര്യം, സ്ത്രീക്ക് സംഭവിച്ച പരിക്കുകളുടെ വിശദാംശങ്ങൾ, വാഹനത്തിനുണ്ടായ കേടുപാടുകൾ, നഷ്ടപരിഹാരം നൽകിയിട്ടുണ്ടോ തുടങ്ങിയ കാര്യങ്ങൾ ആർഡിഒ അന്വേഷിച്ച് മൂന്ന് ആഴ്ചയ്ക്കകം റിപ്പോർട്ട് സമർപ്പിക്കണം എന്നാണ് നിർദേശം.
ഇത്തരം അപകടങ്ങൾ ആവർത്തിക്കാതിരിക്കാൻ കൊച്ചി മെട്രോ റെയിൽ ലിമിറ്റഡും (കെഎംആർഎൽ) കരാറുകാരും സ്വീകരിച്ച സുരക്ഷാ നടപടികളും റിപ്പോർട്ടിൽ ഉൾപ്പെടുത്തണം. അപകടത്തിൽപ്പെട്ട വ്യക്തിയുടെ വിലാസവും റിപ്പോർട്ടിൽ രേഖപ്പെടുത്തണമെന്നും കമ്മീഷൻ നിർദേശിച്ചു.
ഇതിന് പുറമെ, കെഎംആർഎൽ മാനേജിംഗ് ഡയറക്ടറും പ്രത്യേകം റിപ്പോർട്ട് സമർപ്പിക്കണം. ജൂലൈ 14ന് പത്തടിപ്പാലം റസ്റ്റ് ഹൗസിൽ നടക്കുന്ന സിറ്റിംഗിൽ ജില്ലാ കളക്ടറുടെയും കെഎംആർഎൽ എംഡിയുടെയും പ്രതിനിധികൾ ഹാജരാകണമെന്നും കമ്മീഷൻ വ്യക്തമാക്കി. പത്രവാർത്തയുടെ അടിസ്ഥാനത്തിൽ മനുഷ്യാവകാശ കമ്മീഷൻ സ്വമേധയാ രജിസ്റ്റർ ചെയ്ത കേസിലാണ് നടപടി.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
ഡൽഹി ക്യാപിറ്റൽസിലേക്ക് തിരികെയെത്താൻ റിഷഭ് പന്ത്; ലഖ്നൗ സൂപ്പർ ജയന്റ്സുമായുള്ള ബന്ധം വഴിപിരിയുന്നു
ചെങ്കൽപത്ര കോടതിയിൽ ഭർത്താവിനെ തിരഞ്ഞ് ഭാര്യ; വിജയ്ക്കെതിരെ ഡിഎംകെയുടെ പരിഹാസം, സംഭവത്തിൽ നിറയുന്നത്
-20250409094740.jpg)
