-20250207032405.jpg)
കൊച്ചി: ആര്ട്ടിഫിഷ്യല് ഇന്റലിജന്സ് ടൂളുകളുടെ സഹായത്തോടെ കോടതികള് ഉത്തരവുകള് പുറപ്പെടുവിക്കരുതെന്ന് ഹൈക്കോടതി. ഇക്കാര്യം വ്യക്തമാക്കി ഹൈക്കോടതി ജുഡീഷ്യല് ഓഫീസര്മാര് അടക്കമുള്ളവര്ക്കായി പ്രത്യേക മാര്ഗനിര്ദേശം പുറപ്പെടുവിച്ചു.
അംഗീകൃത എഐ ടൂളുകളേ ഉപയോഗിക്കാവൂ. എഐ ടൂളുകള് ഉപയോഗിക്കുന്നതുമായി ബന്ധപ്പെട്ട് ജുഡീഷ്യല് അക്കാദമിയിലോ ഹൈക്കോടതിയിലോ നടക്കുന്ന പരിശീലന പരിപാടിയില് പങ്കെടുക്കണം. അംഗീകൃത എഐ ടൂളുകളുടെ കാര്യത്തലില് അപാകത ശ്രദ്ധയില്പ്പെട്ടാല് ഹൈക്കോടതിയുടെ ഐടി വിഭാഗത്തെ അറിയിക്കണം. മാര്ഗ നിര്ദേശങ്ങള് ലംഘിച്ചാല് നടപടിയുണ്ടാകുമെന്നും നിര്ദേശത്തില് വ്യക്തമാക്കുന്നു.
കൂടാതെ ഏതെല്ലാം എഐ ടൂളുകളാണ് ഉപയോഗിച്ചതെന്ന് വ്യക്തമാക്കാനും നിര്ദേശിച്ചിട്ടുണ്ട്. ഉത്തരവുകള് എഴുതാനും സാക്ഷിമൊഴികള് രേഖപ്പെടുത്താനുമൊക്കെ എഐ ടൂളുകള് ഉപയോഗിക്കുന്നുണ്ട്. എഐ ടൂളുകള് ഉപയോഗിക്കുന്ന എല്ലാ ഘട്ടത്തിലും മേല്നോട്ടം ഉണ്ടാകണം. എഐ ടൂളുകള് ഉപയോഗിക്കുമ്പോഴും തെറ്റിന് സാധ്യതയുള്ളതിനാല് ജാഗ്രതവേണമെന്നാണ് നിര്ദേശിച്ചിരിക്കുന്നത്.
ചാറ്റ് ജിപിടി പോലുള്ള ക്ലൗഡ് അധിഷ്ഠിത എഐ ടൂളുകള് ഉപയോഗിക്കരുതെന്നും നിര്ദേശിച്ചിട്ടുണ്ട്. എഐ ടൂളുകള് പല കാര്യങ്ങളിലും സഹായകരമാണെങ്കിലും നിയന്ത്രണമില്ലാത്ത ഉപയോഗം സ്വകാര്യതയേയും ഡേറ്റയുടെ സുരക്ഷയെയുമൊക്കെ ബാധിക്കും എന്നതിനാലാണ് നിയന്ത്രണം ഏര്പ്പെടുത്തിയിരിക്കുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
1-20260302032542.jpg)
-20201011031017.jpg)
-20260314050332.jfif)
-20250515011708.jpeg)
-20201002015953.jpg)
