തിരുവനന്തപുരം: മധ്യ കിഴക്കൻ ബംഗാള് ഉള്ക്കടലില് പുതിയ ചുഴലിക്കാറ്റ് രൂപം കൊള്ളുന്നതായി മുന്നറിയിപ്പുമായി കേന്ദ്രകാലാവസ്ഥാ വകുപ്പ്. ദന എന്ന് പേരിട്ടിരിക്കുന്ന ചുഴലിക്കാറ്റ് ബുധനാഴ്ചയോടെ രൂപപ്പെടുമെന്നും ബംഗാള് തീരത്തേക്ക് നീങ്ങുമെന്നുമാണ് അറിയിച്ചിരിക്കുന്നത്.
ആൻഡമാൻ കടലിന് മുകളില് നാളെയോടെ രൂപപ്പെടുന്ന ന്യൂനമർദ്ദം പിന്നീട് തീവ്രന്യൂനമർദ്ദമായി മാറും. ബുധനാഴ്ചയോടെ ഇത് മദ്ധ്യ കിഴക്കൻ ബംഗാള് ഉള്ക്കടലില് ചുഴലിക്കാറ്റായി മാറും. ചുഴലിക്കാറ്റ് കേരളത്തെ നേരിട്ട് ബാധിക്കില്ലെങ്കിലും വരുന്ന ദിവസങ്ങളില് തുലാവർഷത്തോടനുബന്ധിച്ചുള്ള മഴ തുടരും എന്നാണ് അറിയിപ്പിൽ പറയുന്നത്.
തിരുവനന്തപുരം, കൊല്ലം, പത്തനംതിട്ട, കോട്ടയം, ഇടുക്കി, എറണാകുളം, പാലക്കാട്, മലപ്പുറം, വയനാട്, കാസർഗോഡ് ജില്ലകളില് ഒറ്റപ്പെട്ടയിടങ്ങളില് ഇടിമിന്നലോടു കൂടിയ ഇടത്തരം മഴയ്ക്കും മണിക്കൂറില് 40 കിലോമീറ്ററില് താഴെ വരെ വേഗതയില് വീശിയേക്കാവുന്ന ശക്തമായ കാറ്റിനും സാധ്യത ഉണ്ട് എന്നും റിപ്പോർട്ടുകൾ ഉണ്ട്.
നാളെയും മറ്റന്നാളും പത്തനംതിട്ട, ഇടുക്കി ജില്ലകളിലും 23 ന് കൊല്ലം, പത്തനംതിട്ട, കോട്ടയം, ഇടുക്കി ജില്ലകളിലുമാണ് യെല്ലോ അലർട്ടുള്ളത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്