കൊല്ലം: സിപിഐഎം മുന് എംഎല്എ അയിഷ പോറ്റി കോണ്ഗ്രസ് വേദിയിലേക്ക്. സിപിഐഎമ്മില് നിന്നും അകന്നുകഴിയുന്ന അയിഷ പോറ്റി കോണ്ഗ്രസില് ചേര്ന്നേക്കുമെന്ന അഭ്യൂഹങ്ങള്ക്കിടെയാണ് കോണ്ഗ്രസ് വേദിയിലേക്ക് എത്തുന്നത്.
കോണ്ഗ്രസ് കൊട്ടാരക്കര ബ്ലോക്ക് കമ്മിറ്റി സംഘടിപ്പിക്കുന്ന ഉമ്മന്ചാണ്ടി അനുസ്മരണ സമ്മേളനത്തില് പങ്കെടുക്കും. വ്യാഴാഴ്ച കലയപുരം ആശ്രയ സങ്കേതത്തില് സംഘടിപ്പിക്കുന്ന പരിപാടി കൊടിക്കുന്നില് സുരേഷ് എംപിയാണ് ഉദ്ഘാടനം ചെയ്യുന്നത്.
യോഗത്തില് അനുസ്മരണ പ്രഭാഷമാണ് അയിഷ പോറ്റി നിര്വഹിക്കുക. ചാണ്ടി ഉമ്മന് എംഎല്എയും പരിപാടിയില് പങ്കെടുക്കും.
സിപിഐഎം നേതൃത്വവുമായി അകല്ച്ച പാലിച്ച അയിഷ പോറ്റി ഇക്കഴിഞ്ഞ സിപിഐഎം ജില്ലാ സമ്മേളനത്തിലും പങ്കെടുത്തിരുന്നില്ല. പിന്നാലെ ജില്ലാ കമ്മിറ്റിയില് നിന്നും ഒഴിവാക്കിയിരുന്നു. ആര് ബാലകൃഷ്ണ പിള്ളയെ പരാജയപ്പെടുത്തിയായിരുന്നു അയിഷാ പോറ്റി ആദ്യമായി നിയമസഭയിലെത്തിയത്.
അയിഷ പോറ്റിയെ കോണ്ഗ്രസിലെത്തിക്കാനുള്ള ശ്രമം ശക്തമാണ്. നേരത്തെ അയിഷ പോറ്റിയെ പ്രശംസിച്ച് കോണ്ഗ്രസ് കൊട്ടാരക്കര നഗരസഭാ പ്രവര്ത്തക ക്യാമ്പില് പ്രമേയം അവതരിപ്പിച്ചിരുന്നു. പാര്ട്ടിയുടെ വാതിലുകള് അയിഷാ പോറ്റിക്കായി തുറന്നിട്ടിരിക്കുകയാണെന്ന് പ്രമേയത്തില് പറഞ്ഞിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260302012446.jpeg)
-20260317114153.jpg)
-11-20260113024610.webp)
-20250815021811.jpg)
-20260317124741.jpg)
-20260317122702.jfif)
1-20260317122055.jpg)
