മുഖ്യമന്ത്രി ചർച്ച; ഷാഫി പറമ്പിൽ എംപിയുടെ പിന്തുണ കെ സി വേണുഗോപാലിന്

MAY 9, 2026, 4:30 AM

കോണ്‍ഗ്രസ് വര്‍ക്കിംഗ് പ്രസിഡന്റും പഴയ എ ഗ്രൂപ്പ് നേതാവുമായ ഷാഫി പറമ്പില്‍ എംപിയുടെ പിന്തുണയും കെസി വേണുഗോപാലിന്.മുസ്ലിം ലീഗ് വി ഡി സതീശനെ പിന്തുണയ്ക്കുമ്പോഴാണ് ലീഗിന്റെ ഹീറോ ആയ ഷാഫിയുടെ കെസി അനുകൂല നിലപാട്.

ഷാഫിക്ക് പുറമെ കൊടിക്കുന്നില്‍ സുരേഷ്,ബെന്നി ബഹനാന്‍, എം കെ രാഘവന്‍, അടൂര്‍ പ്രകാശ്, രാജ് മോഹന്‍ ഉണ്ണിത്താന്‍ തുടങ്ങിയ എംപിമാരുടെ പിന്തുണ കെ സി വേണുഗോപാലനായിരുന്നു.

അതേസമയം, മുഖ്യമന്ത്രി ചർച്ചയിൽ തീരുമാനം ഉടൻ ഉണ്ടാകുമെന്ന് സണ്ണി ജോസഫ് പറഞ്ഞു. സമവായത്തിലെത്തുമെന്ന് പ്രതീക്ഷിക്കുന്നുവെന്നും തീരുമാനം അന്തിമമായി എഐസിസി പ്രഖ്യാപിക്കുമെന്നും അദ്ദേഹം പറഞ്ഞു. ഇത് സംബന്ധിച്ച് പരസ്യ പ്രതിഷേധം പാടില്ലെന്നും ഹൈക്കമാൻഡ് നിർദേശമുണ്ടെന്നും സണ്ണി ജോസഫ് മാധ്യമങ്ങളോട് പ്രതികരിച്ചു.