സംസ്ഥാനത്ത് പാമ്പുകടിയേറ്റ് വീണ്ടും മരണം; മരിച്ചത് കണ്ണൂർ സ്വദേശിനി നാരായണി

MAY 6, 2026, 1:46 AM

കണ്ണൂര്‍: സംസ്ഥാനത്ത് പാമ്പുകടിയേറ്റ് വീണ്ടും ഒരു മരണം കൂടി റിപ്പോർട്ട് ചെയ്തു. പട്ടുവം സ്വദേശിനിയായ നാരായണിയാണ് മരിച്ചത്. പരിയാരം മെഡിക്കൽ കോളജ്യിൽ ചികിത്സയിലിരിക്കെയാണ് അന്ത്യം.

ഏപ്രിൽ 24നാണ് വീട്ടുവളപ്പിൽ നിന്ന് നാരായണിക്ക് പാമ്പ് കടിയേറ്റത്. ശംഖുവരയൻ ആണ് കടിച്ചതെന്നാണ് സംശയം. വിഷം നാഡീവ്യൂഹത്തെ ഗുരുതരമായി ബാധിച്ചതായി ഡോക്ടർമാർ അറിയിച്ചു.

അതേസമയം കഴിഞ്ഞ ആഴ്ചയും കണ്ണൂരിൽ സമാന സംഭവം റിപ്പോർട്ട് ചെയ്തിരുന്നു. പട്ടുവം മുതുകട സ്വദേശിനിയായ നബീസ (70) പാമ്പുകടിയേറ്റ് മരിച്ചിരുന്നു.