ഹൈദരാബാദ്: രാജ്യം വികസിക്കണമെങ്കിൽ രാഹുൽ ഗാന്ധി പ്രധാനമന്ത്രിയാകണമെന്ന് കോൺഗ്രസ് നേതാവും തെലങ്കാന മുഖ്യമന്ത്രിയുമായ രേവന്ത് റെഡ്ഡി.

തെലങ്കാനയിലെ കോൺഗ്രസ് സർക്കാരിനെ താഴെയിറക്കാൻ ആർക്കും ധൈര്യമില്ലെന്നും സർക്കാരിനെ താഴെയിറക്കാൻ ശ്രമിക്കുന്നവർക്ക് ഗുരുതരമായ പ്രത്യാഘാതങ്ങൾ നേരിടേണ്ടിവരുമെന്നും അദ്ദേഹം പറഞ്ഞു.

ബിആർഎസ് തലവൻ കെ ചന്ദ്രശേഖർ റാവു മൂന്ന് മാസത്തിനുള്ളിൽ മുഖ്യമന്ത്രിയാകുമെന്നാണ് ചിലർ അവകാശപ്പെടുന്നത്. സർക്കാരിനെ താഴെയിറക്കാൻ ശ്രമിക്കുന്നവർക്ക് ഗുരുതരമായ പ്രത്യാഘാതങ്ങൾ നേരിടേണ്ടി വരുമെന്നും കെസിആർ ഇനി മുഖ്യമന്ത്രിയാകില്ലെന്നും രേവന്ത് റെഡ്ഡി പറഞ്ഞു.

ബി.ആർ.എസിന് ബി.ജെ.പിയുമായി രഹസ്യബന്ധം ഉണ്ടെന്ന് ആരോപിച്ച രേവന്ത് ഒന്നോ രണ്ടോ സീറ്റ് ബി.ആർ.എസ് നേടിയാല്‍ കെ.സി.ആർ വീണ്ടും പ്രധാനമന്ത്രി നരേന്ദ്ര മോദിയുടെ അടിമയാകുമെന്നും പറഞ്ഞു.  

500 രൂപയ്ക്ക് എൽപിജി സിലിണ്ടർ വിതരണം ചെയ്യുമെന്ന കോൺഗ്രസ് പാർട്ടിയുടെ തിരഞ്ഞെടുപ്പ് ഉറപ്പ് പുറത്തിറക്കാൻ എഐസിസി ജനറൽ സെക്രട്ടറി പ്രിയങ്ക ഗാന്ധി വാദ്രയെ ക്ഷണിക്കുമെന്നും പറഞ്ഞു.

യോഗത്തിൽ ഒരു ലക്ഷം സ്ത്രീകൾ പങ്കെടുക്കും. 15 ദിവസത്തിനുള്ളിൽ 15,000 കോൺസ്റ്റബിൾ തസ്തികകൾ നികത്തുമെന്നും പാവപ്പെട്ടവർക്ക് 200 യൂണിറ്റ് വരെ സൗജന്യ വൈദ്യുതി നൽകുമെന്ന വാഗ്ദാനവും ഉടൻ ആരംഭിക്കുമെന്നും അദ്ദേഹം പ്രഖ്യാപിച്ചു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്