പൂനെ: 2022 മെയ് മാസത്തിൽ തൻ്റെ ലിവ് -ഇൻ പങ്കാളിയായ ശ്രദ്ധ വാക്കറിനെ കൊലപ്പെടുത്തിയ കേസിൽ പ്രതിയായ അഫ്താബ് പൂനാവാല ലോറൻസ് ബിഷ്‌ണോയ് സംഘത്തിൻ്റെ ഹിറ്റ് ലിസ്റ്റിലുണ്ടെന്ന് മുംബൈ പോലീസ്.

എൻസിപി നേതാവ് ബാബ സിദ്ദിഖിൻ്റെ കൊലപാതകവുമായി ബന്ധപ്പെട്ട അന്വേഷണത്തിലാണ് പൂനാവാല ബിഷ്‌ണോയിയുടെ ഹിറ്റ് ലിസ്റ്റിൽ ഉണ്ടെന്ന വെളിപ്പെടുത്തൽ പുറത്തുവന്നത്.

ബാബാ സിദ്ദിഖിന്റെ കൊലപാതകത്തിന് പിന്നാലെ പിടിയിലായ ശിവകുമാർ ഗൗതമാണ് ഇക്കാര്യങ്ങൾ പൊലീസിനോട് തുറന്നുപറഞ്ഞത്. ശ്രദ്ധയെ അപായപ്പെടുത്തിയ സംഭവത്തിൽ കാമുകനായ അഫ്താബാണ് കുറ്റവാളിയെന്ന് പൊലീസ് കണ്ടെത്തിയിരുന്നു. 

ഇയാളെ ലക്ഷ്യം വച്ചിരുന്നതായി ബിഷ്‌ണോയ് സംഘത്തിലെ ശുഭം ലോങ്കർ തന്നോട് പറഞ്ഞിരുന്നുവെന്നാണ് ശിവകുമാറിന്റെ വെളിപ്പെടുത്തൽ. കേസിൽ പിടിക്കപ്പെട്ട അഫ്താബ് നിലവിൽ തിഹാർ ജയിലിലാണ്. ഈ വിവരങ്ങളുടെ വെളിച്ചത്തിൽ തിഹാർ ജയിലിൽ അധികൃതർ  സുരക്ഷ ശക്തമാക്കിയതായി റിപ്പോർട്ടുണ്ട്. 

2022 ലാണ് കാമുകിയായ ശ്രദ്ധ വാക്കറിനെ, അഫ്താബ് കൊലപ്പെടുത്തിയത്. മൃതദേഹം 35 കഷ്ണങ്ങളാക്കി ഫ്രിഡ്ജിൽ സൂക്ഷിക്കുകയും 18 ദിവസങ്ങൾക്ക് ശേഷം ഡൽഹിയിലെ വിവിധയിടങ്ങളിൽ ഉപേക്ഷിക്കുകയുമായിരുന്നു. അഫ്താബുമായുള്ള ബന്ധം ഉപേക്ഷിക്കണമെന്ന ആവശ്യം ശ്രദ്ധയുടെ മാതാപിതാക്കൾ ഉന്നയിച്ചിരുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്