-20260626101749.jpg)
ഭൂകമ്പം തകർത്ത വെനസ്വേലയ്ക്ക് അടിയന്തിര രക്ഷാപ്രവർത്തന സഹായങ്ങളുമായി ഇന്ത്യ. 'സൗഹൃദം' എന്നർത്ഥം വരുന്ന സ്പാനിഷ് വാക്കായ 'അമിസ്റ്റാഡ്' മുൻനിർത്തി 'ഓപ്പറേഷൻ അമിസ്റ്റാഡ്' (Operation Amistad) എന്ന് പേരിട്ടിരിക്കുന്ന ദൗത്യത്തിലൂടെയാണ് ഇന്ത്യ സഹായഹസ്തം നീട്ടുന്നത്.
ദുരന്തബാധിതരെ സഹായിക്കാനായി ഇന്ത്യൻ വ്യോമസേനയുടെ രണ്ട് സി-17 ഗ്ലോബ്മാസ്റ്റർ വിമാനങ്ങൾ ഇതിനകം തന്നെ വെനസ്വേലയിലേക്ക് പുറപ്പെട്ടിട്ടുണ്ട്. 35 ടൺ ദുരിതാശ്വാസ സാമഗ്രികളും ഇതിന് പുറമെ അടിയന്തിര ചികിൽസ ലഭ്യമാക്കാൻ ഇന്ത്യൻ കരസേനയുടെ അത്യാധുനിക ഫീൽഡ് ഹോസ്പിറ്റൽ യൂണിറ്റും ഈ ദൗത്യത്തിന്റെ ഭാഗമായി ഇന്ത്യ വെനസ്വേലയിലേക്ക് അയച്ചിട്ടുണ്ട്.
ഈ ദുഷ്കരമായ സമയത്ത് വെനസ്വേല സർക്കാരിനെയും അവിടുത്തെ ജനങ്ങളെയും പൂർണ്ണമായി പിന്തുണയ്ക്കാൻ ഇന്ത്യ പ്രതിജ്ഞാബദ്ധമാണെന്ന് വിദേശകാര്യമന്ത്രി എസ്. ജയശങ്കർ തന്റെ എക്സ് (ട്വിറ്റർ) പോസ്റ്റിലൂടെ വ്യക്തമാക്കി.
വെനസ്വേലയിൽ വൻ നാശനഷ്ടം വിതച്ച ഭൂകമ്പത്തിൽ ഇതുവരെ 188 മരണങ്ങളാണ് ഔദ്യോഗികമായി സ്ഥിരീകരിച്ചിട്ടുള്ളത്. ഭീകരമായ ഭൂചലനത്തിൽ 1500-ലധികം ആളുകൾക്ക് പരുക്കേൽക്കുകയും ഇവർ വിവിധ ആശുപത്രികളിൽ ചികിത്സയിൽ കഴിയുകയുമാണ്.
തുറമുഖ നഗരമായ ലാഗയ്റയിലാണ് ഭൂകമ്പം ഏറ്റവും കൂടുതൽ നാശം വിതച്ചത്; ഇവിടെ മാത്രം ഇരുന്നൂറ്റമ്പതിലേറെ കെട്ടിടങ്ങൾ പൂർണ്ണമായും തകർന്നു വീണു. നിലവിൽ ഇരുന്നൂറിലധികം പേർ ഇപ്പോഴും തകർന്ന കെട്ടിടാവശിഷ്ടങ്ങൾക്കിടയിൽ കുടുങ്ങിക്കിടക്കുകയാണെന്നാണ് ലഭിക്കുന്ന വിവരം. കാണാതായ 157 പേർക്കായുള്ള തിരച്ചിൽ ഊർജ്ജിതമായി തുടരുകയാണ്. രക്ഷാപ്രവർത്തനം പുരോഗമിക്കുന്നതിനനുസരിച്ച് മരണസംഖ്യ ഇനിയും ഉയർന്നേക്കാമെന്നാണ് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നത്.
കഴിഞ്ഞ നൂറു വർഷത്തിനിടയിൽ വെനസ്വേല കണ്ട ഏറ്റവും ശക്തമായ ഭൂകമ്പമാണിത്. പ്രാദേശിക സമയം വൈകിട്ട് 6:04-നാണ് നാടിനെ നടുക്കിയ ആദ്യ ഭൂചലനമുണ്ടായത്. റിച്ചർ സ്കെയിലിൽ 7.2 തീവ്രത രേഖപ്പെടുത്തിയ ആദ്യ ഭൂചലനം വന്ന് വെറും 40 സെക്കൻഡുകൾ പിന്നിട്ടപ്പോഴേക്കും 7.5 തീവ്രത രേഖപ്പെടുത്തിയ രണ്ടാമത്തെ ശക്തമായ ഭൂകമ്പവുമുണ്ടായി. ഇതോടെ രാജ്യം പൂർണ്ണമായും സ്തംഭിക്കുന്ന അവസ്ഥയിലെത്തി. ഭൂകമ്പത്തെത്തുടർന്ന് പ്രശസ്തമായ സിമോൺ ബോളിവർ അന്താരാഷ്ട്ര വിമാനത്താവളത്തിന്റെ പ്രവർത്തനം താൽക്കാലികമായി നിർത്തിവെച്ചു. ദുരന്തത്തിന് പിന്നാലെ കടൽത്തീരങ്ങളിൽ സുനാമി മുന്നറിയിപ്പ് നൽകിയിരുന്നുവെങ്കിലും പിന്നീട് അത് പിൻവലിക്കുകയായിരുന്നു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260626105106.jpg)
-20260410120128.jpg)
-20260626101749.jpg)
-20201113035655.jpg)
-20260626093452.jpg)
-20260626092704.jpg)
-20260626085808.jpg)
-20260529061524.jpg)
1-20260626075445.jpg)
-20201019105235.jpg)
-20260626033147.jpg)
-20260626025740.jpg)
-20260626023805.jpg)
