അമൃത്സർ: പഞ്ചാബ് സ്റ്റേറ്റ് വെയർഹൗസിംഗ് കോർപ്പറേഷൻ ഉദ്യോഗസ്ഥൻ ഗഗൻദീപ് സിംഗ് രൺധാവയുടെ ആത്മഹത്യയുമായി ബന്ധപ്പെട്ട് മുൻ മന്ത്രി ലാൽജിത് സിംഗ് ഭുള്ളർക്കെതിരെ പഞ്ചാബ് പോലീസ് എഫ്.ഐ.ആർ രജിസ്റ്റർ ചെയ്തു.
ഭുള്ളറെ കൂടാതെ അദ്ദേഹത്തിന്റെ പിതാവ് സുഖ്ദേവ് സിംഗ് ഭുള്ളർ, പേഴ്സണൽ അസിസ്റ്റന്റ് എന്നിവർക്കെതിരെയും അമൃത്സറിലെ രഞ്ജിത് അവന്യൂ പോലീസ് സ്റ്റേഷനിൽ കേസെടുത്തിട്ടുണ്ട്. ഗഗൻദീപിന്റെ ഭാര്യ ഉപീന്ദർ കൗർ നൽകിയ പരാതിയുടെ അടിസ്ഥാനത്തിലാണ് നടപടി. തന്റെ ഭർത്താവിനെ പ്രതികൾ നിരന്തരമായി മാനസികമായും ശാരീരികമായും പീഡിപ്പിക്കുകയും ആത്മഹത്യയ്ക്ക് പ്രേരിപ്പിക്കുകയും ചെയ്തുവെന്ന് പരാതിയിൽ പറയുന്നു.
അമൃത്സറിൽ ജില്ലാ മാനേജരായി സേവനമനുഷ്ഠിച്ചിരുന്ന രൺധാവ, വിഷം കഴിച്ച് ചികിത്സയിലിരിക്കെ വെള്ളിയാഴ്ചയാണ് സ്വകാര്യ ആശുപത്രിയിൽ വെച്ച് മരണപ്പെട്ടത്. മരണത്തിന് തൊട്ടുമുമ്പ് അദ്ദേഹം റെക്കോർഡ് ചെയ്ത 12 സെക്കൻഡ് ദൈർഘ്യമുള്ള വീഡിയോയിൽ, താൻ ആത്മഹത്യ ചെയ്യാൻ കാരണം മുൻ മന്ത്രിയുടെ സമ്മർദ്ദമാണെന്ന് വെളിപ്പെടുത്തിയിരുന്നു.
ഈ വീഡിയോ പുറത്തുവന്നതോടെ സംഭവം വലിയ വിവാദമായി മാറി. എഎപി എംഎൽഎ കൂടിയായ ഭുള്ളർക്കെതിരെ കേസെടുക്കണമെന്ന് ആവശ്യപ്പെട്ട് ശിരോമണി അകാലിദൾ, കോൺഗ്രസ്, ബിജെപി നേതാക്കൾ പോലീസ് സ്റ്റേഷന് മുന്നിൽ പ്രതിഷേധവുമായി രംഗത്തെത്തിയിരുന്നു.
സംഭവം രാഷ്ട്രീയ വിവാദമായതോടെ മുഖ്യമന്ത്രി ഭഗവന്ത് മാൻ ശക്തമായ നടപടി സ്വീകരിച്ചു. ജയിൽ-ഗതാഗത വകുപ്പുകൾ കൈകാര്യം ചെയ്തിരുന്ന ലാൽജിത് സിംഗ് ഭുള്ളറെ മന്ത്രിസഭയിൽ നിന്ന് പുറത്താക്കി. ഉദ്യോഗസ്ഥന്റെ മരണത്തിലേക്ക് നയിച്ച സാഹചര്യങ്ങളെക്കുറിച്ച് അന്വേഷിക്കാൻ ചീഫ് സെക്രട്ടറി കെ.എ.പി. സിൻഹയ്ക്ക് മുഖ്യമന്ത്രി നിർദ്ദേശം നൽകി. രാഷ്ട്രീയ സമ്മർദ്ദം മൂലം ഒരു ഉദ്യോഗസ്ഥനെ നഷ്ടപ്പെടുന്നത് വച്ചുപൊറുപ്പിക്കാനാവില്ലെന്നും മുഖ്യമന്ത്രി വ്യക്തമാക്കി.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260322053307.jpg)
-20260112044425.webp)
-20260322050807.jpg)
-20260322050318.jpg)
-20260322012951.jpg)
-20250929033458.jpg)
-20201113033333.jpg)
-20260321074402.jpg)
-20260321033032.jpg)
