ഒടുവിൽ ദുഃഖകരമായ സ്ഥിതീകരണം; സുഖോയ് യുദ്ധവിമാനം തകർന്ന് രണ്ട് പൈലറ്റുകൾക്ക് വീരമൃത്യു

MARCH 5, 2026, 10:41 PM

സുഖോയ് യുദ്ധവിമാനം തകർന്നുണ്ടായ അപകടത്തിൽ ഇന്ത്യൻ വ്യോമസേനയുടെ രണ്ട് പൈലറ്റുകൾക്ക് വീരമൃത്യു. സ്ക്വാഡ്രൺ ലീഡർ അനൂജ്, ഫ്ലൈറ്റ് ലഫ്റ്റനന്റ് പൂർവേശ് ദുരാഗ്കർ എന്നിവരാണ് മരണപ്പെട്ടത്.

ഇന്നലെ വൈകിട്ട് 7.42ഓടെയാണ് വിമാനത്തിന്റെ സിഗ്നൽ അവസാനമായി ലഭിച്ചത്. തുടർന്ന് നടത്തിയ തെരച്ചിലിനിടെയാണ് പൈലറ്റുമാരുടെ മൃതദേഹങ്ങൾ കണ്ടെത്തിയത്. നേരത്തെ വിമാനത്തിന്റെ ഒരു ഭാഗം കണ്ടെത്തിയിരുന്നു. ആ ഭാഗം പൂർണ്ണമായും കത്തിനശിച്ച നിലയിലായിരുന്നു.

വിമാനം ഇന്നലെ ആസാമിൽ നിന്നും പറന്നുയർന്നതായിരുന്നു. തുടർന്ന് റഡാറുമായി ബന്ധം നഷ്ടപ്പെട്ടതായി പ്രതിരോധ വകുപ്പ് അറിയിച്ചു. ഇതിന് പിന്നാലെ നടത്തിയ തിരച്ചിലിലാണ് അപകടം സ്ഥിരീകരിച്ചത്.