തെരഞ്ഞെടുപ്പ് വാതിൽക്കൽ; തമിഴകം വെട്രി കഴകത്തിന് വിസിൽ ചിഹ്നം

JANUARY 22, 2026, 4:01 AM

ചെന്നൈ: തമിഴകം വെട്രി കഴകം (ടിവികെ) പാർട്ടിക്ക് തെരഞ്ഞെടുപ്പ് കമ്മീഷൻ ഔദ്യോഗികമായി തെരഞ്ഞെടുപ്പ് ചിഹ്നം അനുവദിച്ചു. വിസിൽ ആണ് പാർട്ടിക്ക് ലഭിച്ച ചിഹ്നം. തമിഴ്നാട്ടിലും പുതുച്ചേരിയിലും നടക്കുന്ന തെരഞ്ഞെടുപ്പുകളിൽ ടിവികെ വിസിൽ ചിഹ്നം ഉപയോഗിച്ചാകും മത്സരിക്കുക.

അതേസമയം പാർട്ടി നേതാവ് വിജയ് തെരഞ്ഞെടുപ്പ് കമ്മീഷനോട് ആവശ്യപ്പെട്ട പത്ത് ചിഹ്നങ്ങളിൽ ഒന്നാണ് വിസിൽ. ചിഹ്നം അനുവദിക്കുന്നതിൽ താമസം നേരിടുന്നതായി ടിവികെ നേരത്തെ പരാതി ഉന്നയിച്ചിരുന്നതും ശ്രദ്ധേയമായിരുന്നു. ഇതോടെയാണ് തെരഞ്ഞെടുപ്പ് ഒരുക്കങ്ങളിൽ നിർണായക മുന്നേറ്റം പാർട്ടിക്ക് കൈവന്നിരിക്കുന്നത്.

എന്നാൽ നിയമസഭാ തെരഞ്ഞെടുപ്പ് അടുത്തുവരുന്നതിനിടെ ഡിഎംകെയും എഐഎഡിഎംകെയും രാഷ്ട്രീയ നീക്കങ്ങൾ ശക്തമാക്കുകയാണ്. തെരഞ്ഞെടുപ്പ് അടുക്കുമ്പോഴും തമിഴകം വെട്രി കഴകം (ടിവികെ) ഇതുവരെ ഒരു സഖ്യകക്ഷിയെയും ഒപ്പം കൂട്ടാൻ തയാറായിട്ടില്ല.