ചെന്നൈ: കോളേജ് വിദ്യാര്ഥിനികളെ ഉന്നതര്ക്ക് വഴങ്ങാന് പ്രേരിപ്പിച്ചെന്ന കേസില് ശ്രീവില്ലിപൂത്തൂരിനടുത്ത അറുപ്പുക്കോട്ടയിലെ സ്വകാര്യകോളേജിലെ പ്രൊഫ. നിര്മല ദേവി കുറ്റക്കാരി.
ശ്രീവില്ലിപൂത്തൂര് അതിവേഗകോടതിയാണ് ശിക്ഷ വിധിച്ചത്.2018-ലാണ് സംഭവം നടന്നത്. സ്ത്രീകള്ക്കെതിരായ ക്രൂരതയും വ്യഭിചാര ക്കുറ്റവുമാണ് പ്രൊഫ. നിര്മലാദേവിക്കെതിരേ ചുമത്തിയിരിക്കുന്നത്.
നിര്മല ദേവിയെ ജോലിയില് നിന്ന് സസ്പെന്ഡ് ചെയ്തിരുന്നു. കേസില് പ്രതിചേര്ക്കപ്പെട്ടിരുന്ന മധുരകാമരാജ് കോളേജിലെ അസി. പ്രൊഫ. മുരുഗനെയും ഗവേഷണവിദ്യാര്ഥി കറുപ്പ്സ്വാമിയെയും കോടതി വെറുതെവിട്ടു.
അന്വേഷണത്തിന് നേതൃത്വംനല്കിയ ക്രൈംബ്രാഞ്ച് പോലീസ് സൂപ്രണ്ട് രാജേശ്വരിയുടെ നേതൃത്വത്തില് 1160 പേജ് അടങ്ങിയ കുറ്റപത്രം അതിവേഗകോടതിയില് സമര്പ്പിച്ചിരുന്നു.
കുറ്റപത്രം നല്കിയതിനാല് ഉടന് ശിക്ഷ വിധിക്കണമെന്ന് സര്ക്കാരിനുവേണ്ടി ഹാജരായ അഭിഭാഷകന് കോടതിയില് ആവശ്യപ്പെട്ടു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്