ഉക്രെയ്‌നില്‍ വീണ്ടും ഡ്രോണുകൾ തൊടുത്ത് റഷ്യ; പുടിന് സമാധാനത്തിൽ താൽപ്പര്യമില്ലെന്ന് സെലൻസ്കി

FEBRUARY 12, 2025, 9:36 AM

മോസ്കോ: ഉക്രെയ്ന്‍ ഊര്‍ജ്ജ അടിസ്ഥാന സൗകര്യങ്ങളില്‍ റഷ്യ നിരവധി ആക്രമണങ്ങള്‍ നടത്തിയതായി റഷ്യന്‍ പ്രതിരോധ മന്ത്രാലയത്തിന്റെ സ്ഥിരീകരണം.

ഉക്രെയ്‌നിലെ തന്ത്രപ്രധാന സ്ഥലങ്ങളിൽ ദീർഘദൂര ആയുധങ്ങളും ഡ്രോണുകളും ഉപയോഗിച്ചാണ് ആക്രമണങ്ങൾ നടത്തിയതെന്ന് റഷ്യൻ മന്ത്രാലയം പറഞ്ഞു.

ഗ്യാസ്, ഊർജ്ജ സൗകര്യങ്ങൾ, സൈനിക എയർഫീൽഡ് അടിസ്ഥാന സൗകര്യങ്ങൾ, ആക്രമണ ഡ്രോണുകൾ സംഭരിക്കുന്നതിനും തയ്യാറാക്കുന്നതിനുമുള്ള സ്ഥലങ്ങൾ എന്നിവ ലക്ഷ്യമിട്ടാണ് ആക്രമണങ്ങൾ നടത്തിയതെന്ന് മുതിർന്ന റഷ്യൻ സൈനിക ഉദ്യോഗസ്ഥർ പറഞ്ഞു.

റഷ്യൻ ആക്രമണത്തെത്തുടർന്ന് പവർ ഗ്രിഡിന് കേടുപാടുകൾ സംഭവിച്ചതായി ഉക്രെയ്‌ൻ സ്ഥിരീകരിച്ചു. ഉക്രെയ്‌നിന്റെ സർക്കാർ ഉടമസ്ഥതയിലുള്ള ഗ്യാസ് കമ്പനിയായ നാഫ്‌റ്റോഗാസ് വടക്കൻ പോൾട്ടാവ മേഖലയിലെ വൈദ്യുതി ഉൽപാദന സൗകര്യങ്ങൾക്ക് കേടുപാടുകൾ സംഭവിച്ചതായി റിപ്പോർട്ട് ചെയ്തു.

ഖാർകിവ് മേഖലയിൽ, റഷ്യൻ ഡ്രോണുകൾ വൈദ്യുതി ലൈനുകളും ട്രാൻസ്‌ഫോർമറുകളും നശിപ്പിച്ചു, ഇത് പ്രാദേശിക വൈദ്യുതി തടസ്സത്തിന് കാരണമായി ഉക്രെയ്ൻ സ്ഥിരീകരിച്ചു.

അതേസമയം ബുധനാഴ്ച പുലർച്ചെ ഉക്രെയ്ൻ തലസ്ഥാനത്ത് റഷ്യ ബാലിസ്റ്റിക് മിസൈലുകൾ വിക്ഷേപിച്ചതിനെത്തുടർന്ന് കൈവിൽ കുറഞ്ഞത് ഒരാൾ കൊല്ലപ്പെടുകയും നാല് പേർക്ക് പരിക്കേൽക്കുകയും ചെയ്തു. റഷ്യ തൊടുത്തുവിട്ട ഏഴ് ഡ്രോണുകളിൽ ആറെണ്ണവും ഡസൻ കണക്കിന് ഡ്രോണുകളും തകർത്തതായി ഉക്രേനിയൻ വ്യോമസേന അറിയിച്ചു.

ടെലിഗ്രാമിലെ ഒരു പോസ്റ്റിൽ സെലെൻസ്‌കി അപകടങ്ങൾ സ്ഥിരീകരിച്ചു. ആക്രമണത്തിൽ അപ്പാർട്ട്‌മെന്റ് കെട്ടിടങ്ങൾ, ഓഫീസുകൾ, സിവിലിയൻ അടിസ്ഥാന സൗകര്യങ്ങൾ എന്നിവ തകർന്നു എന്നും ഉക്രെയ്‌നിനെതിരായ ഈ റഷ്യൻ ഭീകരത സ്വയം അവസാനിക്കില്ല എന്നും അദ്ദേഹം കൂട്ടിച്ചേർത്തു.

പുടിൻ സമാധാനത്തിന് തയ്യാറെടുക്കുന്നില്ല, ഉക്രേനിയക്കാരെ കൊല്ലുന്നതും നഗരങ്ങൾ നശിപ്പിക്കുന്നതും തുടരുകയാണെന്നും സെലെൻസ്‌കി പറഞ്ഞു. റഷ്യയ്‌ക്കെതിരായ ശക്തമായ നടപടികൾ മാത്രമേ ഈ ഭീകരതയെ തടയാൻ സഹായിക്കൂ എന്നും സെലൻസ്കി പറഞ്ഞു.