വെയ്ൽസ് : വെയ്ൽസിലെ ഏറ്റവും പ്രായംകൂടിയ വ്യക്തിയായി കണക്കാക്കപ്പെടുന്ന ഓവൻ ഫൈലർ തന്റെ 107-ാം പിറന്നാൾ ആഘോഷിച്ചു. നീണ്ടായുസ്സിന്റെ രഹസ്യമായി അദ്ദേഹം വെളിപ്പെടുത്തിയത് കഠിനാധ്വാനവും 'ഫിഷ് ആൻഡ് ചിപ്‌സ് ' എന്ന ഭക്ഷണത്തോടുള്ള ഇഷ്ടവുമാണ്.
അമിതമായി ഭക്ഷണം കഴിക്കാതിരിക്കുക, നല്ല രീതിയിൽ ജീവിക്കുക, ദിവസവും ഫിഷ് ആൻഡ് ചിപ്‌സ് (പ്രത്യേകിച്ച് കോഡ് അല്ലെങ്കിൽ ഹേക്ക് മീൻ) കഴിക്കുക എന്നിവയാണ് തന്റെ ആരോഗ്യ രഹസ്യമെന്ന് അദ്ദേഹം പറയുന്നു.
1919ൽ ജനിച്ച ഫൈലർ, രണ്ടാം ലോകമഹായുദ്ധകാലത്ത് 'റോയൽ വെൽഷ് ഫുസൈലിയേഴ്‌സ് ', 'മിലിട്ടറി പോലീസ് ' എന്നിവയിൽ സേവനമനുഷ്ഠിച്ചിട്ടുണ്ട്. 1945ൽ ജപ്പാൻ കീഴടങ്ങുന്ന സമയത്ത് അദ്ദേഹം ഇന്ത്യയിലാണ് സേവനം അനുഷ്ഠിച്ചിരുന്നത്.
4 മക്കളും 10 കൊച്ചുമക്കളും 15 കൊച്ചുകൊച്ചുമക്കളുമുള്ള ഫൈലറുടെ പിറന്നാൾ കുടുംബാംഗങ്ങളുടെയും സൈനിക ഉദ്യോഗസ്ഥരുടെയും സാന്നിധ്യത്തിൽ വിപുലമായി ആഘോഷിച്ചു. ബ്രിട്ടീഷ് ചാരിറ്റിയായ SSAFA അദ്ദേഹത്തിന് പ്രത്യേക സ്മാരക ഉപഹാരം നൽകി ആദരിച്ചു.
ജീവിതത്തോട് ആത്മസമർപ്പണമുള്ള ഫൈലർ, പ്രായം തളർത്താത്ത മനസ്സോടെ ഇനിയും സജീവമായി തുടരുന്നുവെന്ന് സുഹൃത്തുക്കളും കുടുംബാംഗങ്ങളും സാക്ഷ്യപ്പെടുത്തുന്നു.
പി.പി. ചെറിയാൻ
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
