കറാച്ചി: പാകിസ്ഥാൻ വിമാനക്കമ്പനികൾക്കുള്ള  വിലക്ക് നീക്കി യു.കെ. അഞ്ച് വർഷത്തിന് ശേഷമാണ് വിലക്ക് നീക്കിയത്. പുതിയ റിപോർട്ടുകൾ പ്രകാരം വിമാന സർവീസുകൾ പുനരാരംഭിക്കാനുള്ള  അപേക്ഷ നല്കാൻ യുകെ പാകിസ്താനെ  അനുവദിച്ചു.

97 പേരുടെ മരണത്തിനിടയാക്കിയ പി‌ഐ‌എ വിമാനാപകടത്തെത്തുടർന്ന്  പൈലറ്റ് ലൈസൻസുകളുടെ സാധുതയെക്കുറിച്ച് പാകിസ്ഥാൻ അന്വേഷണം ആരംഭിച്ചതിന്  ശേഷമാണ് 2020 ൽ യു.കെ നിരോധനം ഏർപ്പെടുത്തിയത്.

ബ്രിട്ടനിലേക്കും യൂറോപ്യൻ യൂണിയനിലേക്കും ദീർഘദൂര സർവീസുകൾ നടത്തുന്ന ഒരേയൊരു വിമാനക്കമ്പനിയാണ് പാകിസ്ഥാൻ ഇന്റർനാഷണൽ എയർലൈൻസ്.

നിരോധനം മൂലം ഏകദേശം 40 ബില്യൺ രൂപയുടെ (144 മില്യൺ ഡോളർ) വാർഷിക വരുമാന നഷ്ടം പിഐഎ മുമ്പ് കണക്കാക്കിയിരുന്നു. ലണ്ടൻ, മാഞ്ചസ്റ്റർ, ബർമിംഗ്ഹാം എന്നിവയുൾപ്പെടെയുള്ള യുകെ റൂട്ടുകളെ ഏറ്റവും ലാഭകരമായി കണക്കാക്കുന്ന എയർലൈൻ, ലണ്ടനിലെ ഹീത്രോ വിമാനത്താവളത്തിൽ വീണ്ടും സജീവമാകാൻ തയ്യാറെടുക്കുകയാണ്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്