വിദേശത്ത് പഠിക്കാന്‍ ഇഷ്ടപ്പെടുന്ന ഇന്ത്യക്കാർ ഒരുപാടുണ്ട്. ഇന്ത്യന്‍ വിദ്യാര്‍ത്ഥികള്‍ക്ക് സൗജന്യമോ സബ്സിഡിയോ നല്‍കുന്ന നിരവധി യൂറോപ്യന്‍ രാജ്യങ്ങളുണ്ട്. യൂറോപ്യന്‍ രാജ്യങ്ങള്‍ വിദേശ വിദ്യാര്‍ഥികളില്‍ നിന്ന് ട്യൂഷന്‍ ഫീസ് ആവശ്യപ്പെടുന്നില്ല, അഡ്മിനിസ്‌ട്രേറ്റീവ് ഫീ വിഭാഗത്തില്‍ താരതമ്യേന കുറഞ്ഞ തുക മാത്രമാണ് ഈടാക്കുന്നത്. ഇന്ത്യന്‍ വിദ്യാര്‍ഥികള്‍ക്ക് കുറഞ്ഞ നിരക്കില്‍ വിദ്യാഭ്യാസം നല്‍കുന്ന രാജ്യങ്ങളെക്കുറിച്ച് അറിയാം.
ജർമ്മനി
ഇന്ത്യാ ഗവണ്‍മെന്റ് പുറത്തുവിട്ട കണക്കുകള്‍ പ്രകാരം 2022-ല്‍ ജര്‍മ്മനിയില്‍ ആകെ 34,864 ഇന്ത്യന്‍ വിദ്യാര്‍ഥികള്‍ പഠിക്കുന്നുണ്ട്. യൂറോപ്യന്‍ രാജ്യങ്ങളില്‍ ഇന്ത്യക്കാര്‍ക്ക് പഠനത്തിന് ഏറ്റവും ജനപ്രിയമായ രാജ്യമാണ് ജര്‍മനി. ജര്‍മനി 2014-ല്‍ ട്യൂഷന്‍ ഫീസ് നിര്‍ത്തലാക്കി, അതിനാല്‍ ആഭ്യന്തര, വിദേശ വിദ്യാര്‍ഥികള്‍ക്ക് ഉന്നത വിദ്യാഭ്യാസ ബിരുദങ്ങള്‍ സൗജന്യമായി ലഭിക്കുന്നു.
ജര്‍മനിയിലെ ഇന്ത്യന്‍ വിദ്യാര്‍ത്ഥികളുടെ ജീവിതച്ചെലവ് ഏകദേശം 934 യൂറോയാണ് (ഏകദേശം 80,000 രൂപ). കൂടാതെ, അന്താരാഷ്ട്ര വിദ്യാര്‍ത്ഥികള്‍ക്ക് ജര്‍മ്മനിയില്‍ പഠിക്കുന്ന സമയത്ത് 120 ദിവസത്തേക്ക് മുഴുവന്‍ സമയവും അല്ലെങ്കില്‍ 240 അര്‍ധ ദിവസത്തേക്ക് പാര്‍ട്ട് ടൈം ജോലിയും ചെയ്യാം. ബിരുദതല പഠനത്തിന് ശേഷം, ഉന്നത ബിരുദം നേടിയ അതേ മേഖലയില്‍ ജോലി അന്വേഷിക്കുന്നതിന് 18 മാസം രാജ്യത്ത് തുടരാന്‍ അവര്‍ക്ക് അപേക്ഷിക്കാം.
റഷ്യ
സര്‍ക്കാര്‍ കണക്കുകള്‍ പ്രകാരം 18,039 ഇന്ത്യന്‍ വിദ്യാര്‍ത്ഥികളാണ് കഴിഞ്ഞ വര്‍ഷം റഷ്യയില്‍ ഉണ്ടായിരുന്നത്. പതിറ്റാണ്ടുകളായി, ഇന്ത്യന്‍ മെഡിക്കല്‍ വിദ്യാര്‍ത്ഥികള്‍ക്ക് റഷ്യ പ്രിയപ്പെട്ട രാജ്യമാണ്. റഷ്യ പൂര്‍ണമായും സൗജന്യ വിദ്യാഭ്യാസം വാഗ്ദാനം ചെയ്യുന്നില്ലെങ്കിലും, 2,000 മുതല്‍ 5,000 യൂറോ വരെ (176627.46 രൂപ മുതല്‍ 441568.65 രൂപ വരെ) സബ്സിഡി നിരക്കുകള്‍ വാഗ്ദാനം ചെയ്യുന്നു. മോസ്‌കോ സ്റ്റേറ്റ് യൂണിവേഴ്‌സിറ്റി, ടോംസ്‌ക് സ്റ്റേറ്റ് യൂണിവേഴ്‌സിറ്റി, സെന്റ് പീറ്റേഴ്‌സ്ബര്‍ഗ് സ്റ്റേറ്റ് യൂണിവേഴ്‌സിറ്റി എന്നിവ റഷ്യയിലെ ചില മികച്ച യൂണിവേഴ്‌സിറ്റികളില്‍ ഉള്‍പ്പെടുന്നു.
ഇവിടെ ജീവിതച്ചെലവ് പ്രതിമാസം 750 യൂറോ ആണ് (ഏകദേശം 66,000 രൂപ). ഇന്ത്യന്‍ വിദ്യാര്‍ത്ഥികള്‍ക്ക് അവരുടെ പഠനകാലത്ത് ആഴ്ചയില്‍ 20 മണിക്കൂര്‍ വരെ ജോലിചെയ്യാം, കൂടാതെ ബിരുദം പൂര്‍ത്തിയാക്കിയതിന് ശേഷം തൊഴില്‍ തേടി 180 ദിവസം വരെ രാജ്യത്ത് തങ്ങാം.
ഫ്രാൻസ്
ഇന്ത്യയില്‍ നിന്നുള്ള 10,003 വിദ്യാര്‍ത്ഥികള്‍ ഫ്രാന്‍സില്‍ പഠിക്കുന്നുണ്ട്. ഇവിടെ ബിരുദാനന്തര ബിരുദത്തിന് ഏകദേശം 2,770 യൂറോ (ഏകദേശം 2.5 ലക്ഷം), ബിരുദാനന്തര ബിരുദത്തിന് ഏകദേശം 3,770 യൂറോ (ഏകദേശം 2.5 ലക്ഷം) നല്‍കണം. വിദേശ വിദ്യാര്‍ത്ഥിയുടെ ജീവിതച്ചെലവ് പ്രതിമാസം ഏകദേശം 600 മുതല്‍ 800 യൂറോ വരെ (52988.24 രൂപ മുതല്‍ 70650.98 രൂപ വരെ) ആണ്. (ഒരു വ്യക്തിയുടെ ജീവിതശൈലി അനുസരിച്ച് ഈ തുക വ്യത്യാസപ്പെടുന്നു). വിദേശ വിദ്യാര്‍ത്ഥിക്ക് പഠനകാലത്ത് പ്രതിവര്‍ഷം 964 മണിക്കൂര്‍ വരെ ജോലി ചെയ്ത് പണം സമ്പാദിക്കാനും ബിരുദം നേടിയതിന് ശേഷം ഒരു വര്‍ഷം രാജ്യത്ത് തങ്ങാനും കഴിയും.
ഇറ്റലി
പ്രകൃതി സൗന്ദര്യത്തിനും ഭക്ഷണത്തിനും പേരുകേട്ട ഈ രാജ്യം കഴിഞ്ഞ വര്‍ഷം 5,897 ഇന്ത്യന്‍ വിദ്യാര്‍ത്ഥികളെ ആണ് ആകര്‍ഷിച്ചത്. യൂറോപ്യന്‍ യൂണിയന്‍ ഇതരക്കാര്‍ക്കുള്ള ട്യൂഷന്‍ ഫീസ് 500 - 5,000 യൂറോ വരെയാകാം (44156.86 രൂപ മുതല്‍ 441568.65 രൂപ വരെ). ജീവിതച്ചെലവും താങ്ങാനാവുന്നതാണ് (പ്രതിമാസം 60,000 രൂപ), വിദ്യാര്‍ഥികള്‍ക്ക് പഠനകാലത്ത് ആഴ്ചയില്‍ 20 മണിക്കൂര്‍ വരെ അവരുടെ വാടകയും മറ്റ് ചെലവുകളും നേടാനാകും. ലൊക്കേഷനും ജീവിതശൈലിയും അനുസരിച്ച് ജീവിതച്ചെലവ് ഏകദേശം 88,000 രൂപ വരെ ഉയരുമെന്ന് ഓര്‍ക്കണം. എന്നിരുന്നാലും, ഇറ്റലിയില്‍ പിഎച്ച്ഡി അല്ലെങ്കില്‍ ലെവല്‍ 2 മാസ്റ്റേഴ്‌സ് പ്രോഗ്രാം പൂര്‍ത്തിയാക്കിയവര്‍ക്ക് മാത്രമേ ഇറ്റലിയില്‍ താമസിക്കാനും ജോലി തേടാനുമുള്ള അവസരം ലഭ്യമാകൂ.
പോളണ്ട്
റഷ്യയും യുക്രൈനും കഴിഞ്ഞാല്‍ ഇന്ത്യന്‍ മെഡിക്കല്‍ വിദ്യാര്‍ഥികള്‍ക്ക് ഏറ്റവും പ്രചാരമുള്ള യൂറോപ്യന്‍ രാജ്യങ്ങളില്‍ ഒന്നാണ് പോളണ്ട്. രാജ്യം സൗജന്യ വിദ്യാഭ്യാസം നല്‍കുന്നില്ലെങ്കിലും, 2,000 - 6,000 യൂറോ (1.76- 5.30 ലക്ഷം രൂപ) നിരക്കില്‍ കോഴ്‌സുകള്‍ വാഗ്ദാനം ചെയ്യുന്നു. കൂടാതെ, അന്തര്‍ദേശീയ വിദ്യാര്‍ത്ഥികള്‍ക്ക് അവരുടെ പഠന സമയത്ത് ആഴ്ചയില്‍ 20 മണിക്കൂറും അവധി ദിവസങ്ങളില്‍ ആഴ്ചയില്‍ 40 മണിക്കൂറും ജോലി ചെയ്യാം. ബിരുദം നേടിയ ശേഷം ഒമ്പത് മാസം തൊഴില്‍ തേടി രാജ്യത്ത് തുടരാം. ശരാശരി ജീവിതച്ചെലവ് പ്രതിമാസം 400 - 600 യൂറോ (35325.49 രൂപ മുതല്‍ 52988.24 രൂപ വരെ) ആണ്.
ചെക്ക് റിപ്പബ്ലിക്ക്
ചരിത്രത്തിനും വാസ്തുവിദ്യയ്ക്കും പേരുകേട്ട രാജ്യം ചെക്ക് ഭാഷയില്‍ ബിരുദങ്ങള്‍ക്ക് ട്യൂഷന്‍ രഹിത വിദ്യാഭ്യാസം വാഗ്ദാനം ചെയ്യുന്നു. ഇംഗ്ലീഷ്/മറ്റ് വിദേശ ഭാഷകളില്‍ പഠിക്കുന്ന ബിരുദങ്ങള്‍ക്കുള്ള ട്യൂഷന്‍ ഫീസ് ഒരു അധ്യയന വര്‍ഷത്തില്‍ പൂജ്യം മുതല്‍ 18,500 യൂറോ (0-1633803.99 രൂപ) വരെയാണ്. പ്രതിമാസ ജീവിതച്ചെലവ് പ്രതിമാസം 650 യൂറോ (ഏകദേശം 57,000 രൂപ) വരെ ഉയരാം, എന്നാല്‍ ഇത് പ്രധാനമായും വിദ്യാര്‍ത്ഥികളുടെ ജീവിതശൈലിയെയും ബജറ്റിംഗ് ശീലങ്ങളെയും ആശ്രയിച്ചിരിക്കുന്നു.
പഠനകാലത്ത് ജോലി ചെയ്യാന്‍ യോഗ്യത നേടുന്നതിന്, വിദ്യാര്‍ത്ഥികള്‍ വിദ്യാഭ്യാസ മന്ത്രാലയം അംഗീകരിച്ച ഒരു ഡിഗ്രി പ്രോഗ്രാമില്‍ എന്റോള്‍ ചെയ്തിരിക്കണം. വിദ്യാര്‍ത്ഥികള്‍ക്ക് ഒരു കലണ്ടര്‍ വര്‍ഷത്തിനുള്ളില്‍ 30 ദിവസം വരെ ജോലി ചെയ്യാനും ജോലി കണ്ടെത്തുന്നതിന് പഠനത്തിന് ശേഷം ഒമ്പത് മാസത്തേക്ക് റസിഡന്‍സ് പെര്‍മിറ്റിന് അപേക്ഷിക്കാനും കഴിയും. 2022-ല്‍ ഇന്ത്യാ ഗവണ്‍മെന്റ് ശേഖരിച്ച കണക്കുകള്‍ പ്രകാരം രാജ്യത്ത് ഏകദേശം 1500 വിദ്യാര്‍ത്ഥികളുണ്ട്.
ഫിൻലാന്റ്
ഏകദേശം 519 ഇന്ത്യന്‍ വിദ്യാര്‍ത്ഥികളുള്ള ഫിന്‍ലാന്‍ഡ്, ഫിന്നിഷ് അല്ലെങ്കില്‍ സ്വീഡിഷ് ഭാഷയില്‍ ബിരുദങ്ങള്‍ക്ക് സൗജന്യ വിദ്യാഭ്യാസം വാഗ്ദാനം ചെയ്യുന്നു. നോണ്‍-ഇയു, ഇംഗ്ലീഷ് പഠിപ്പിക്കുന്ന ബിരുദങ്ങള്‍ക്കുള്ള ട്യൂഷന്‍ ഫീസ് 4,000 യൂറോ (ഏകദേശം 3.5 ലക്ഷം രൂപ) മുതല്‍ 18,000 യൂറോ (ഏകദേശം 15 ലക്ഷം രൂപ) വരെയാണ്. അന്താരാഷ്ട്ര വിദ്യാര്‍ത്ഥികള്‍ക്ക് അവരുടെ പഠനകാലത്ത് ജീവിതച്ചെലവ് 700 - 1,300 വരെ (61819.61 രൂപ മുതല്‍ 114807.85 രൂപ വരെ) ആണ്. ഇതിനായി ആഴ്ചയില്‍ 30 മണിക്കൂര്‍ വരെ ജോലി ചെയ്യാം. ബിരുദം നേടിയ ശേഷം, വിദ്യാര്‍ത്ഥികള്‍ക്ക് പഠനത്തിന് ശേഷം രണ്ട് വര്‍ഷത്തെ തൊഴില്‍ വിസ നല്‍കുന്നു.
ഐസ്ലാന്റ്
2022-ല്‍ 16 ഇന്ത്യന്‍ വിദ്യാര്‍ത്ഥികളുണ്ടായിരുന്ന ഈ യൂറോപ്യന്‍ രാജ്യം പ്രകൃതി സൗന്ദര്യത്തിനും സൗജന്യമോ മിതമായ നിരക്കിലോ ആയ വിദ്യാഭ്യാസച്ചെലവിനും പേരുകേട്ടതാണ്. ജനസംഖ്യ കൂടുതലും ഐസ്ലാന്‍ഡിക്, ഇംഗ്ലീഷ് സംസാരിക്കുന്നതിനാല്‍ ഐസ്ലാന്‍ഡ് അന്തര്‍ദേശീയ വിദ്യാര്‍ത്ഥികള്‍ക്ക് മികച്ച ഒരു ഓപ്ഷന്‍ കൂടിയാണ്, കൂടാതെ മിക്ക സര്‍വകലാശാലകളിലും എല്ലാ ഉന്നത വിദ്യാഭ്യാസ കോഴ്‌സുകളും ഇംഗ്ലീഷിലാണ് പഠിപ്പിക്കുന്നത്. വിദേശ വിദ്യാര്‍ത്ഥികള്‍ക്ക് അധ്യയന വര്‍ഷത്തില്‍ ആഴ്ചയില്‍ 15 മണിക്കൂര്‍ വരെ ജോലി ചെയ്യാം. ബിരുദതല പഠനത്തിന് ശേഷം തൊഴില്‍ കണ്ടെത്തുന്നതിന് അന്താരാഷ്ട്ര വിദ്യാര്‍ത്ഥികള്‍ക്ക് ആറ് മാസത്തെ തൊഴില്‍ വിസയ്ക്ക് അപേക്ഷിക്കാം.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
