വിജയ്‌യുടെ ജനനായകൻ , ശിവകാർത്തികേയന്റെ പരാശക്തി എന്നീ രണ്ട് വമ്പൻ ചിത്രങ്ങൾ ഏതാനും ദിവസങ്ങൾക്കുള്ളിൽ ബോക്‌സ് ഓഫീസിൽ ഏറ്റുമുട്ടാൻ ഒരുങ്ങുമ്പോൾ, ഉത്സവ സീസണിൽ തിയേറ്ററുകളിൽ കാണാൻ ആരാധകർ ആകാംക്ഷയോടെ കാത്തിരുന്ന മറ്റൊരു ചിത്രമാണ് ആർജെ ബാലാജി സംവിധാനം ചെയ്ത സൂര്യയുടെ 45-ാമത്തെ ചിത്രമായ കറുപ്പ്. 

എന്നാൽ തിയേറ്റർ ക്ലാഷ്  ഒഴിവാക്കാൻ നിർമ്മാതാക്കൾ തീരുമാനിച്ചിരിക്കുകയാണ്. ആക്ഷൻ ഡ്രാമ ചിത്രം ജനുവരി അവസാനമോ ഫെബ്രുവരിയിലോ റിലീസ് ചെയ്യുമെന്ന് പ്രമുഖ ചലച്ചിത്ര വിതരണക്കാരനായ തിരുപ്പൂർ സുബ്രഹ്മണ്യം വെളിപ്പെടുത്തി.

 "പൊങ്കലിന് ചിത്രം റിലീസ് ചെയ്യുന്നതിനെക്കുറിച്ച് ഞാൻ എസ്.ആർ. പ്രഭുവിനോട് സംസാരിച്ചു. എന്നിരുന്നാലും, ആ സമയത്ത് രണ്ട് വലിയ ചിത്രങ്ങൾ ഇതിനകം തന്നെ തിയേറ്ററുകളിൽ എത്തുന്നുണ്ടെന്ന് അദ്ദേഹം പറഞ്ഞു. 'നമ്മളും ഈ മത്സരത്തിൽ പങ്കുചേർന്നാൽ അത് നല്ലതല്ല, കാരണം തിയറ്റർ വരുമാനവും സ്‌ക്രീനുകളും വിഭജിക്കപ്പെടും. അതിനാൽ, ഫെബ്രുവരിയിൽ റിലീസ് ചെയ്യാൻ ഞങ്ങൾ പദ്ധതിയിടുന്നു,'. അതിനാൽ, ജനുവരി അവസാനമോ ഫെബ്രുവരിയിലോ നിങ്ങൾക്ക് ചിത്രം പ്രതീക്ഷിക്കാം." സിനിയുലാഗത്തിന് നൽകിയ ഒരു അഭിമുഖത്തിൽ തിരുപ്പൂർ സുബ്രഹ്മണ്യം പറഞ്ഞു.

പുതുവത്സര ദിനത്തിൽ, സൂര്യ കറുപ്പിന്റെ പുതിയ  പോസ്റ്റർ പങ്കുവെച്ചിരുന്നു. തൃഷ കൃഷ്ണൻ, ഇന്ദ്രൻസ്, സ്വാസിക, അനഘ മായ രവി, ശിവദ, നാട്ടി, സുപ്രീത് റെഡ്ഡി എന്നിവരാണ് കറുപ്പിലെ പ്രധാന കഥാപാത്രങ്ങളെ അവതരിപ്പിക്കുന്നത്.  ഒരു പക്കാ കൊമേർഷ്യൽ എന്റർടൈനറാണ്. ശരവണൻ എന്ന സ്വന്തം പേരിലാണ് സൂര്യ ഈ ചിത്രത്തിൽ എത്തുക.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്