ദി മമ്മി' (The Mummy) ആരാധകർ ഏറെ ആവേശത്തോടെ കാത്തിരുന്ന ആ പ്രഖ്യാപനം എത്തിക്കഴിഞ്ഞു. ഹോളിവുഡിലെ ഐതിഹാസിക അഡ്വഞ്ചർ ഹൊറർ ഫ്രാഞ്ചൈസിയായ 'ദി മമ്മി'യുടെ നാലാം ഭാഗം വരുന്നു. ആരാധകരെ ഏറ്റവും സന്തോഷിപ്പിക്കുന്നത് ചിത്രത്തിലെ യഥാർത്ഥ നായക ജോഡികളായ ബ്രെൻഡൻ ഫ്രേസറും റേച്ചൽ വൈസും ഈ ചിത്രത്തിലൂടെ വീണ്ടും ഒന്നിക്കുന്നു എന്ന വാർത്തയാണ്. 2028 മെയ് 19-ന് ചിത്രം തീയേറ്ററുകളിൽ എത്തുമെന്നാണ് നിർമ്മാതാക്കളായ യൂണിവേഴ്സൽ പിക്ചേഴ്സ് അറിയിച്ചിരിക്കുന്നത്.

1999-ൽ സ്റ്റീഫൻ സോമേഴ്സ് സംവിധാനം ചെയ്ത 'ദി മമ്മി'യിലൂടെയാണ് ഈ പരമ്പരയ്ക്ക് തുടക്കമായത്. ഇതിലെ റിക്ക് ഒക്കോണൽ എന്ന സാഹസികനായ ഹീറോയായി ബ്രെൻഡൻ ഫ്രേസറും, ബുദ്ധിമതിയായ ഈവ്‌ലിനായി റേച്ചൽ വൈസും തകർത്തഭിനയിച്ചു. ഹൊററും സാഹസികതയും പ്രണയവും കൃത്യമായ അളവിൽ ചേർത്തൊരുക്കിയ ഈ ചിത്രം അക്കാലത്ത് 400 മില്യൺ ഡോളറിലധികം കളക്ഷൻ നേടി ചരിത്രം കുറിച്ചു. ചിത്രത്തിലെ ഇംഹോട്ടെപ് എന്ന മമ്മിയുടെ വിഷ്വൽ ഇഫക്റ്റുകൾ അക്കാലത്ത് ഏറെ ചർച്ച ചെയ്യപ്പെട്ട ഒന്നായിരുന്നു.

2001-ൽ പുറത്തിറങ്ങിയ 'ദി മമ്മി റിട്ടേൺസ്' എന്ന രണ്ടാം ഭാഗം ആദ്യ ഭാഗത്തെക്കാൾ വലിയ വിജയമാണ് സ്വന്തമാക്കിയത്. ഹോളിവുഡ് താരം ഡ്വെയ്ൻ ജോൺസൺ (ദി റോക്ക്) ആദ്യമായി വെള്ളിത്തിരയിലെത്തിയ 'സ്കോർപിയോൺ കിംഗ്' എന്ന കഥാപാത്രം ഈ ചിത്രത്തിലൂടെയാണ് പരിചയപ്പെടുത്തിയത്. ശാപങ്ങളും യുദ്ധങ്ങളും പുരാതന വസ്തുക്കളും നിറഞ്ഞ ഈ ചിത്രം 2000-ന്റെ തുടക്കത്തിൽ അഡ്വഞ്ചർ സിനിമകളുടെ ഗതി തന്നെ മാറ്റിമറിച്ചു.

എന്നാൽ 2008-ൽ പുറത്തിറങ്ങിയ 'ടോംബ് ഓഫ് ദി ഡ്രാഗൺ എംപറർ' എന്ന മൂന്നാം ഭാഗത്തിന് ആരാധകരെ പൂർണ്ണമായി തൃപ്തിപ്പെടുത്താൻ കഴിഞ്ഞില്ല. നീണ്ട ഇടവേളയ്ക്ക് ശേഷം ബ്രെൻഡൻ ഫ്രേസറും റേച്ചൽ വൈസും വീണ്ടും മടങ്ങിയെത്തുമ്പോൾ പഴയ പ്രതാപം വീണ്ടെടുക്കാമെന്ന പ്രതീക്ഷയിലാണ് അണിയറപ്രവർത്തകർ.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്