മല്ലന്മാരുടെ ജിംഖാന! നാസ്ലെന്‍ ചിത്രത്തിന്റെ ഫസ്റ്റ്‌ലുക്കെത്തി

JANUARY 1, 2025, 9:07 AM

തല്ലുമാലയ്ക്ക് ശേഷം ഖാലിദ് റഹ്മാന്‍ ഒരുക്കുന്ന ആലപ്പുഴ ജിംഖാനയുടെ ഫസ്റ്റ് ലുക്കെത്തി. നസ്ലെന്‍, ഗണപതി, ലുക്ക്മാന്‍ അവറാന്‍ എന്നിവര്‍ ഉള്‍പ്പെട്ട പോസ്റ്ററാണ് പുറത്തുവന്നത്. ശാരീരികമായ വലിയൊരു രൂപമാറ്റം നടത്തിയാണ് മൂവരും ചിത്രത്തിലെത്തുന്നതെന്ന് വ്യക്തമാക്കുന്നതാണ് പോസ്റ്റര്‍. കോമഡി സ്‌പോര്‍ട്‌സ് ഡ്രാമ വിഭാഗത്തിലൊരുങ്ങുന്ന ചിത്രത്തില്‍ ആക്ഷന് വളരെയേറെ പ്രത്യേകതയുണ്ട്. ബോക്‌സിംഗ് ഉള്‍പ്പടെയുള്ള ചിത്രത്തില്‍ പ്രധാന ഘടകമാണ്.

#AlappuzhaGymkhana First Look🔥 Stars : Naslen - Lukman Music : Vishnu Vijay (Ambili) Direction: Khalid Rahman (Thallumaala) Shooting On Progress!! pic.twitter.com/4W7Lyz1zcz
— Saloon Kada Shanmugam (@saloon_kada) January 1, 2025

പ്ലാന്‍ ബി മോഷന്‍ പിക്‌ചേര്‍സിന്റെ ബാനറില്‍ ഖാലിദ് റഹ്മാന്‍, ജോബിന്‍ ജോര്‍ജ്, സമീര്‍ കാരാട്ട്, സുബീഷ് കണ്ണഞ്ചേരി എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. അനഘ രവി , സന്ദീപ് പ്രദീപ്, ഫ്രാങ്കോ ഫ്രാന്‍സിസ്, ബേബി ജീന്‍, ശിവ ഹരിഹരന്‍, ഷോണ്‍ ജോയ്, കാര്‍ത്തിക്, നന്ദ നിഷാന്ത്, നോയില ഫ്രാന്‍സി തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്. ഖാലിദ് റഹ്മാനും ശ്രീനി ശശീന്ദ്രനും ചേര്‍ന്ന് തിരക്കഥ രചിച്ച ചിത്രത്തിന്റെ സംഭാഷണം ഒരുക്കിയത് രതീഷ് രവിയാണ്. ജിംഷി ഖാലിദാണ് ഛായഗ്രഹണം.