2025 ലെ എംടിവി വീഡിയോ മ്യൂസിക് അവാർഡുകളിൽ (വിഎംഎ) ഏറ്റവും കൂടുതൽ നോമിനേഷനുകളുമായി പോപ്പ് സൂപ്പർസ്റ്റാറുകളായ ലേഡി ഗാഗയും ബ്രൂണോ മാർസും  മുന്നിൽ.

ആൽബം ഓഫ് ദി ഇയർ, ബെസ്റ്റ് ആൽബം എന്നിവയുൾപ്പെടെ 12 നോമിനേഷനുകൾ ഗാഗ നേടി. ബ്രൂണോ മാർസ് തൊട്ടുപിന്നാലെ 11 നോമിനേഷനുകൾ നേടി.

വീഡിയോ ഓഫ് ദി ഇയർ വിഭാഗത്തിൽ ഗാഗയും മാർസും ഏറ്റുമുട്ടും. ബില്ലി എലിഷിന്റെ ബേർഡ്‌സ് ഓഫ് എ ഫെതർ, കെൻഡ്രിക് ലാമറിന്റെ ഇൻസെൻഡറി ഡിസ് ഗാനമായ നോട്ട് ലൈക്ക് അസ്, പുതുമുഖം സബ്രീന കാർപെന്ററിന്റെ മാൻചൈൽഡ് എന്നിവയാണ് മറ്റ് നോമിനേഷൻ.

അതേസമയം ടെയ്‌ലർ സ്വിഫ്റ്റും ബിയോൺക്കും ആർട്ടിസ്റ്റ് ഓഫ് ദി ഇയർ നോമിനേഷനുകളുമായി വീണ്ടും ശ്രദ്ധ നേടി. ഇതേ വിഭാഗത്തിലെ മറ്റ് ശ്രദ്ധേയമായ നോമിനേഷനുകളിൽ  റാപ്പർ കെൻഡ്രിക് ലാമർ, ലാറ്റിൻ സെൻസേഷൻ ബാഡ് ബണ്ണി, കൺട്രി ഹിറ്റ്മേക്കർ മോർഗൻ വാലൻ, കനേഡിയൻ പോപ്പ് പവർഹൗസ് ദി വീക്കെൻഡ് എന്നിവരും ഉൾപ്പെടുന്നു. 

19 വിഭാഗങ്ങളിലായി പ്രേക്ഷകർക്ക് ഓൺലൈനായി വോട്ടുകൾ രേഖപ്പെടുത്താം. അവാർഡ് നിശ  ന്യൂയോർക്കിൽ നിന്ന് സെപ്റ്റംബർ 7 ന് CBS-ൽ തത്സമയം സംപ്രേഷണം ചെയ്യും.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്