ബലൂചിസ്താന്: ബലൂചിസ്താനിലെ രണ്ട് വ്യത്യസ്ത കേന്ദ്രങ്ങളില് സായുധ സംഘടനയായ ബലൂച് ലിബറേഷന് ആര്മി (ബി.എല്.എ) നടത്തിയ മിന്നലാക്രമണത്തില് 25 പാകിസ്താന് സൈനികര് കൊല്ലപ്പെട്ടു. ആക്രമണങ്ങളില് പാക് സൈന്യത്തിന്റെ മൂന്ന് വാഹനങ്ങള് പൂര്ണ്ണമായി തകര്ത്തതായും വന്തോതില് ആയുധങ്ങള് പിടിച്ചെടുത്തതായും സംഘടന പ്രസ്താവനയിലൂടെ അവകാശപ്പെട്ടു.
സിയാറത്ത് ക്രോസില് സഞ്ചരിക്കുകയായിരുന്ന നാല് സൈനിക വാഹനങ്ങളുടെ വ്യൂഹത്തെ ലക്ഷ്യമിട്ടായിരുന്നു ആദ്യ പ്രഹരം. ബി.എല്.എയുടെ ഫത്തേ സ്ക്വാഡ് നടത്തിയ ആക്രമണത്തില് ഒരു സൈനിക ട്രക്ക് ഉള്പ്പെടെ രണ്ട് വാഹനങ്ങള് തകരുകയും 18 സൈനികര് സംഭവസ്ഥലത്ത് തന്നെ കൊല്ലപ്പെടുകയും ചെയ്തതായി വക്താവ് ജീയന്ദ് ബലൂച് വ്യക്തമാക്കി. വ്യൂഹത്തില് നിന്നും പരിക്കുകളോടെ രക്ഷപ്പെട്ട അഞ്ച് സൈനികരെ ഉപേക്ഷിച്ച നിലയില് കസ്റ്റഡിയിലെടുത്ത ആയുധങ്ങളുടെ ദൃശ്യങ്ങള് ബി.എല്.എ പുറത്തുവിട്ടിട്ടുണ്ട്. ഹക്കല് എന്ന ഔദ്യോഗിക മാധ്യമ ചാനല് വഴി പ്രചരിപ്പിച്ച വീഡിയോയില് കത്തിയമരുന്ന സൈനിക വാഹനങ്ങളും മൃതദേഹങ്ങളും വ്യക്തമാണ്.
സുറാബിലെ ഹാജിക മേഖലയിലാണ് രണ്ടാമത്തെ സ്ഫോടനം നടന്നത്. ബി.എല്.എയുടെ സ്പെഷ്യല് ടാക്റ്റിക്കല് ഓപ്പറേഷന്സ് സ്ക്വാഡ് റിമോട്ട് കണ്ട്രോള് സംവിധാനത്തിലൂടെ സ്ഫോടക വസ്തുക്കള് നിറച്ച വാഹനം പൊട്ടിത്തെറിച്ച് സൈനിക വാഹനത്തെ പൂര്ണ്ണമായി തകര്ക്കുകയായിരുന്നു. ഈ ആക്രമണത്തില് 7 പാക് സൈനികരാണ് കൊല്ലപ്പെട്ടത്.
സംഭവത്തിന്റെ വിശദമായ വിവരങ്ങള് പ്രതിവാര റിപ്പോര്ട്ടിലൂടെ പുറത്തുവിടുമെന്ന് ബി.എല്.എ അറിയിച്ചെങ്കിലും, ഈ അവകാശവാദങ്ങളോടും മരണസംഖ്യയോടും പാകിസ്താന് സൈനിക കേന്ദ്രങ്ങള് ഇതുവരെ ഔദ്യോഗികമായി പ്രതികരിക്കാന് തയ്യാറായിട്ടില്ല.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260903114036.jpg)
-20260903113454.jpg)
-20260902115729.jpg)
-20260623124216.jpg)
-20260901080337.jpg)
