ആണവ പദ്ധതി പുനർനിർമ്മിക്കാൻ ശ്രമിച്ചാൽ ഇറാനെ വീണ്ടും ആക്രമിക്കും; ട്രംപ്

JUNE 25, 2025, 8:24 PM

വാഷിംഗ്‌ടൺ: ഇറാൻ ആണവ പദ്ധതി പുനർനിർമ്മിക്കാൻ ശ്രമിച്ചാൽ അമേരിക്ക വീണ്ടും ഇറാനെ ആക്രമിക്കുമെന്ന് പ്രസിഡന്റ് ഡൊണാൾഡ് ട്രംപ്.

ബുധനാഴ്ച നെതർലാൻഡ്‌സിൽ നടന്ന നാറ്റോ ഉച്ചകോടിയിൽ പങ്കെടുക്കവെ മാധ്യമപ്രവർത്തകരുമായി നടത്തിയ സംഭാഷണത്തിനിടെയാണ് ട്രംപ് ഇക്കാര്യം പറഞ്ഞത്.

ഇറാന്റെ മൂന്ന് ആണവ കേന്ദ്രങ്ങൾക്ക് നേരെയുണ്ടായ ആക്രമണം രാജ്യത്തിന്റെ പദ്ധതിയെ വളരെ വർഷങ്ങൾ പിന്നോട്ടടിച്ചതായി ഇസ്രായേൽ പ്രസ്താവിച്ചതായി അമേരിക്ക പറഞ്ഞു.

അതേസമയം, യുഎസ് നടത്തിയ ആക്രമണത്തിൽ ആണവ കേന്ദ്രങ്ങൾക്ക് വലിയ കേടുപാട് സംഭവിച്ചതായി സമ്മതിച്ച് ഇറാൻ വ്യക്തമാക്കി. ആണവ കേന്ദ്രങ്ങൾക്ക് കേടുപാട് സംഭവിച്ചതായും യുഎസ് നഷ്ടപരിഹാരം നൽകണമെന്നുമാണ് ഇറാൻറെ ആവശ്യം.

ഇസ്രയേൽ–ഇറാൻ സംഘർഷത്തിൻറെ പന്ത്രണ്ടാം നാളിലാണ് യുഎസ് ബങ്കർ ബസ്റ്റർ ബോംബുകൾ ഉപയോഗിച്ച് ഇറാൻറെ ഫോർഡോ, നാതൻസ്, ഇസ്ഫഹാൻ ആണവ കേന്ദ്രങ്ങൾ തകർത്തത്.