2025 ആഗസ്റ്റ്  1 മുതൽ 3 വരെ കോട്ടയത്തെ കുമരകം ഗോകുലം ഫൈവ് സ്റ്റാർ റിസോർട്ടിൽ വെച്ച് നടത്തുന്ന ഫൊക്കാനാ കേരളാ കൺവൻഷനുവേണ്ടിയുള്ള ഒരുക്കങ്ങൾ പുരോഗമിക്കുന്നു. നോർത്ത് അമേരിക്കയുടെ നാനാഭാഗത്തുനിന്നും കേരളത്തിൽ നിന്നും എത്തിച്ചേരുന്ന അതിഥികളേയും, കലാസാംസ്‌കാരിക പ്രമുഖരേയും രാഷ്ട്രീയ നേതാക്കളേയും സ്വീകരിക്കാൻ ഗോകുലം ഫൈവ് സ്റ്റാർ റിസോർട്ട്  ഒരുങ്ങിക്കഴിഞ്ഞു. ലോകത്തിലേക്കും ഏറ്റവും വലിയ മലയാളി പ്രവാസി സംഘമായിരിക്കും   ഫൊക്കാന കേരളാ കൺവെൻഷൻ എന്ന് പ്രസിഡന്റ് സജിമോൻ ആന്റണി അഭിപ്രായപ്പെട്ടു.

മൂന്ന് ദിവസങ്ങളിലായി അരങ്ങേറുന്ന ഈ മഹാസമ്മേളനത്തിന്റെ ആദ്യ ദിവസം ലഹരിക്കെതിരെ ഉള്ള   ഒരു വിളംബരത്തോട് കൂടി തുടങ്ങി മുന്ന് ദിവസത്തെ സമ്മേളനത്തിന് തുടക്കം കുറിക്കും. രണ്ടാം ദിനം  ഫൊക്കാനയും കേരളാ യൂണിവേഴ്‌സിറ്റിയുമായി സഹകരിച്ചു നടത്തുന്ന ഭാഷക്ക് ഒരു ഡോളർ, സാഹിത്യ സമ്മേളനം, സാഹിത്യ അവാർഡുകൾ, സാസംസ്‌കാരിക അവാർഡുകൾ, ബിസിനസ്സ് സെമിനാറുകൾ, ബിസിനസ്സ്  അവാർഡുകൾ, വിമെൻസ് ഫോറം സെമിനാർ, വിമെൻസ് ഫോറം  സ്‌കോളർഷിപ്പ് വിതരണം, നിരവധി ചാരിറ്റി പ്രവർത്തങ്ങളുടെ തുടക്കം, ഫൊക്കാനയുമായി സഹകരിച്ചു നടത്തുന്ന ലൈഫ് ആൻഡ് ലിമ്പ് ചാരിറ്റബിൾ സോസൈറ്റിയുടെ കാല് വിതരണം, മാധ്യമ സെമിനാർ, ഫൊക്കാന ഹൗസിങ് പ്രൊജക്ട്, മെഡിക്കൽ കാർഡ് വിതരണം, പ്രിവിലേജ് കാർഡ് വിതരണം, മൈൽസ്റ്റോൺ ചാരിറ്റബിൾ സൊസൈറ്റിയുമായി സഹകരിച്ചു നടത്തുന്ന ഫൊക്കാന സിം കേരള പ്രൊജക്ടിന്റെ സമാപനം തുടങ്ങി നിരവധി പ്രോഗ്രാമുകൾ ഉൾപ്പെടുത്തിയാണ് രണ്ടാം ദിവസത്തെ പരിപാടികൾ.  

മൂന്നാം ദിവസം വിനോദത്തിനു വേണ്ടി മാത്രം മാറ്റിവെച്ചിട്ടുണ്ട്, 400 പേർക്ക് യാത്ര ചെയ്യാവുന്ന ബോട്ട് സവാരിയാണ് ബുക്ക് ചെയ്തിരിക്കുന്നത്. അതിൽ ഡാൻസും പാട്ടും ഒക്കെ ക്രമീകരിച്ചിട്ടുണ്ട്.   കുട്ടനാടൻ കായലിലൂടെ ഏവരുടെയും മനം കവരുന്ന യാത്ര പ്രകൃതിസ്‌നേഹികളുടെയും സഞ്ചാരികളുടെയും പ്രിയപ്പെട്ടതാണ്. കുടുംബത്തിനും സുഹൃത്തുക്കൾക്കും ഒപ്പം സമയം ചെലവഴിക്കാനും, പ്രകൃതിയെ ആസ്വദിക്കാനും ഇതുപോലെ ഒരിടം വേറെകാണില്ല. മൂന്ന് ദിവസങ്ങളിലും ഉള്ള കൾച്ചറൽ പ്രോഗ്രാമുകൾ അവതരിപിക്കുന്നത് പ്രസിദ്ധ സിനിമാതാരവും ഡാൻസറുമായ സരയൂ മോഹൻ, സിനിമാതാരത്തോടൊപ്പം ഡാൻസറും അവതാരികയും കൂടിയായ   അമല റോസ് കുര്യൻ തുടങ്ങിയവരുടെ നേതൃത്തിലുള്ള ഡാൻസുകൾ, സിനിമ പിന്നണി ഗായകരായ ഏഷ്യാനെറ്റ് സ്റ്റാർസിംഗർ  ജോബി, പ്രസിദ്ധ സിനിമ പിന്നണി ഗായകൻ അഭിജിത് കൊല്ലം, ഫ്‌ളവർസ് ടോപ് സിങ്ങർ മിയാകുട്ടി, സിനിമ പിന്നണി ഗായകനും മിമിക്രി താരവുമായ രാജേഷ് അടിമാലി  തുടങ്ങയവർ അവതരിപ്പിക്കുന്ന വിവിധ കലാപരിപാടികൾ നമുക്ക് നവ്യ അനുഭവം പങ്കുവെക്കും.

ലോകത്തിലെ ഏറ്റവും വലിയ പ്രവാസി സംഘടന ആയ ഫൊക്കാനയുടെ കേരളാ കൺവെൻഷൻ ഒരു ചരിത്ര സംഭവം ആയിരിക്കും. ഫൊക്കാനയുടെ പ്രവർത്തനങ്ങളുടെ കണ്ണാടിയാണ് ഫൊക്കാനയുടെ  ഓരോ കൺവെൻഷനുകൾ. നാം ഇതുവരെയും എന്തു ചെയ്തു, എന്തു നേടി, നമ്മുടെ പ്രസക്തി, ശക്തി ഒക്കെ ആധികാരികമായി പറയുവാൻ ഈ കൺവെൻഷന്റെ വേദികൾ നാം ഉപയോഗപ്പെടുത്തും. ഫൊക്കാന വെറുതേ ഒന്നും പറയില്ല. വെറുതെ ഒന്നിനും പണം മടുക്കാറുമില്ല. നമ്മുടെ പ്രധാന ലക്ഷ്യമായ ജീവകാരുണ്യ പ്രവർത്തനം മറ്റാർക്കും പകർത്താനോ അതികരിക്കുവാനോ ആർക്കും ആയിട്ടുമില്ല. കേരളത്തിൽ ഫൊക്കാന നടത്തിയ ചാരിറ്റിപ്രവർത്തനങ്ങൾ ശ്രദ്ധേയങ്ങളാണ്. കേരളത്തിന്റെ വിവിധ പ്രദേശങ്ങളിൽ നമ്മൾ ഇതുവരെ വിതരണം ചെയ്ത സഹായങ്ങളും മറ്റു പരിപാടികളും എന്നും സ്മരണീയവും മാതൃകയുമാണ്.

വിദ്യാഭ്യാസ സഹായം, വിവാഹസഹായം, ആതുരശുശ്രുഷയ്ക്കുള്ള സഹായം തുടങ്ങിയ എന്നും അഭിമാനകരവും പുണ്യവുമായ പ്രവർത്തനങ്ങളാണ് അവ കൂടാതെ സർക്കാരിന്റെ പല പദ്ധതികളിൽ സഹകരിച്ചും അല്ലാതെ സ്വതന്ത്രവുമായും ഭവനരഹിതരായവർക്ക് വീടുകൾ, അങ്ങനെ വളരെ ജനകീയമായ നിരവധി പദ്ധതികൾക്ക് ഈ കമ്മിറ്റി ചുക്കാൻ പിടിക്കുന്നു.

ഏവരെയും ഈ കേരളാ കൺവെൻഷനിലേക്ക് സ്‌നേഹത്തോടെ സ്വാഗതം ചെയ്യുന്നതായി പ്രസിഡന്റ് സജിമോൻ ആന്റണി, സെക്രട്ടറി ശ്രീകുമാർ ഉണ്ണിത്താൻ, ട്രഷറർ ജോയി ചാക്കപ്പൻ, എക്‌സി. വൈസ്  പ്രസിഡന്റ് പ്രവീൺ തോമസ്, വൈസ് പ്രസിഡന്റ് വിപിൻ രാജു, ജോയിന്റ് സെക്രട്ടറി മനോജ് ഇടമന, ജോയിന്റ് ട്രഷറർ ജോൺ ല്ലോലിക്കൽ, അഡിഷണൽ ജോയിന്റ് സെക്രട്ടറി അപ്പുകുട്ടൻ പിള്ള, അഡിഷണൽ ജോയിന്റ് ട്രഷറർ മില്ലി ഫിലിപ്പ്, വിമൻസ് ഫോറം ചെയർപേഴ്‌സൺ രേവതി പിള്ള, ട്രസ്റ്റി ബോർഡ് ചെയർ ജോജി തോമസ്, കേരളാ കൺവെൻഷൻ ചെയർ ജോയി ഇട്ടൻ മറ്റ് കമ്മിറ്റി മെംബേർസ് എന്നിവർ അറിയിച്ചു.

കേരളാ കൺവെൻഷനിൽ പങ്കെടുക്കാൻ ആഗ്രഹിക്കുന്നവർ ഇതുവരെ രെജിസ്റ്റർ ചെയ്തിട്ടില്ലെങ്കിൽ  സജിമോൻ ആന്റണി 862 -438 -2361, സെക്രട്ടറി ശ്രീകുമാർ ഉണ്ണിത്താൻ 914 -886 -2655, ട്രഷറർ  ജോയി ചാക്കപ്പൻ 201 -563 -6294 എന്നിവരുമായി ബന്ധപ്പെടുക.

ശ്രീകുമാർ ഉണ്ണിത്താൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്