ഗാർലാൻഡ്: ഇന്ത്യാ കൾച്ചറൽ & എഡ്യൂക്കേഷൻ സെന്റർ ജനറൽ ബോഡി യോഗം ഡിസംബർ 8 ഞായറാഴ്ച ഡാളസ് കേരള അസോസിയേഷൻ കോൺഫറൻസ് ഹാളിൽ പ്രസിഡന്റ് ഷിജു അബ്രഹാമിന്റെ അധ്യക്ഷതയിൽ ചേർന്നു. പ്രസിഡന്റ് സ്വാഗതം ആശംസിച്ചു.

സെക്രട്ടറി ജേക്കബ് സൈമൺ റിപ്പോർട്ടവതരിപ്പിക്കുകയും മുൻ യോഗ തീരുമാനങ്ങൾ  അവലോകനം ചെയ്യുകയും അംഗങ്ങൾ നിർദേശിച്ച ഭേദഗതികളോടെ റിപ്പോർട്ട്  പാസാക്കാമെന്ന് രമണി കുമാർ നിർദ്ദേശിക്കുകയും പി.സി. മാത്യു പിന്താങ്ങുകയും ചെയ്തു.

അർദ്ധ വാർഷിക കണക്കുകൾ ട്രഷറർ ടോമി നെല്ലുവേലിൽ പ്രവർത്തന ബാലൻസ് സഹിതം അവതരിപ്പിച്ചു. പുരുഷന്മാരുടെ റസ്റ്റ് റൂം പദ്ധതി രണ്ടാം പാദത്തിന്റെ തുടക്കത്തിൽ പൂർത്തിയാക്കാൻ നേതൃത്വം നൽകിയ നെബു കുര്യാക്കോസിനെ യോഗം അനുമോദിച്ചു. നിലവിലെ പ്രസിഡന്റ് ഷിജു എബ്രഹാമിനെ 'എക്‌സ് ഒഫീഷ്യൽ' ആയി തിരഞ്ഞെടുക്കാൻ ജനറൽ ബോഡി ഐകകണ്‌ഠേന തീരുമാനിച്ചു.

202526 ലേക്കുള്ള പുതിയ ബോർഡ് ഓഫ് ഡയറക്ടർമാരുടെ തിരഞ്ഞെടുപ്പ്  നടത്തി. ഷിജു എബ്രഹാം (മുൻ പ്രസിഡന്റ്), ജേക്കബ് സൈമൺ, സിജു വി. ജോർജ്ജ്, മാത്യു നൈനാൻ, ടോമി നെല്ലുവേലിൽ, നെബു കുര്യാക്കോസ്, പി.ടി. സെബാസ്റ്റ്യൻ, റോയ് കൊടുവത്ത്, തോമസ് ഈശോ, ഷിബു ജെയിംസ് എന്നിവരെ പൊതുയോഗം തിരഞ്ഞെടുത്തു. യോഗം വൈകിട്ട് 7 മണിക്ക് അവസാനിച്ചു.

പി.പി. ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്