പ്രസിഡന്റിന്റെ ഒപ്പില്ല; യുഎസില്‍ ഭവന നിര്‍മ്മാണ ബില്‍ നിയമമായി

JULY 11, 2026, 7:40 PM

വാഷിംഗ്ടണ്‍: അമേരിക്കയില്‍ വന്‍ പാര്‍പ്പിട പരിഷ്‌കാരങ്ങള്‍ ലക്ഷ്യമിട്ട് കോണ്‍ഗ്രസ് പാസാക്കിയ
21-ാം നൂറ്റാണ്ടിലെ പാര്‍പ്പിട വികസന നിയമം (21st Century ROAD to Housing Atc) എന്ന സുപ്രധാന ബില്‍ പ്രസിഡന്റ് ഡൊണാള്‍ഡ് ട്രംപിന്റെ ഒപ്പില്ലാതെ നിയമമായി മാറി. യുഎസ് ഭരണഘടന അനുസരിച്ച് കോണ്‍ഗ്രസ് പാസാക്കുന്ന ബില്‍ പ്രസിഡന്റിന് സമര്‍പ്പിച്ച് 10 ദിവസത്തിനകം (ഞായറാഴ്ചകള്‍ ഒഴിവാക്കി) വിറ്റോ ചെയ്യുകയോ ഒപ്പിടുകയോ ചെയ്തില്ലെങ്കില്‍ അത് സ്വയം നിയമമായി മാറും. ശനിയാഴ്ച അര്‍ദ്ധരാത്രിയോടെയാണ് നിയമനിര്‍മ്മാണം നിലവില്‍ വന്നത്.

വോട്ടിംഗ് അവകാശ നിയമങ്ങളില്‍ കര്‍ശന നിയന്ത്രണം കൊണ്ടുവരുന്ന സേവ് അമേരിക്ക ആക്ട് കോണ്‍ഗ്രസ് പാസാക്കാത്തതില്‍ പ്രതിഷേധിച്ചാണ് പാര്‍പ്പിട ബില്ലില്‍ ഒപ്പിടില്ലെന്ന് ട്രംപ് പ്രഖ്യാപിച്ചത്. ഇലക്ഷന്‍ പരിഷ്‌കരണത്തിന് കോണ്‍ഗ്രസിന് ആവശ്യത്തിന് വോട്ടുകളില്ലെന്നിരിക്കെ, പാര്‍പ്പിട ബില്ലിനായുള്ള ഒപ്പുവെക്കല്‍ ചടങ്ങും ട്രംപ് നേരത്തെ റദ്ദാക്കിയിരുന്നു. ഈ ബില്‍ തികച്ചും അനാവശ്യവും വിരസവുമാണെന്നാണ് ട്രംപിന്റെ നിലപാട്.

പാര്‍പ്പിട നിയമത്തിന്റെ പ്രധാന ലക്ഷ്യങ്ങള്‍

വീടുകളുടെ ലഭ്യത വര്‍ദ്ധിപ്പിക്കല്‍: രാജ്യത്ത് അനുദിനം വര്‍ദ്ധിച്ചുവരുന്ന ഭവനക്ഷാമം പരിഹരിക്കാനും നിര്‍മ്മാണ പ്രവര്‍ത്തനങ്ങള്‍ വേഗത്തിലാക്കാനും ബില്‍ സഹായിക്കും.

നിര്‍മ്മാണ നിയമങ്ങളിലെ പരിഷ്‌കാരം: പഴക്കം ചെന്ന ഭവന നിര്‍മ്മാണ മാനദണ്ഡങ്ങള്‍ ആധുനികീകരിക്കുകയും പഴയ വീടുകളുടെ പുനരുദ്ധാരണത്തെ പ്രോത്സാഹിപ്പിക്കുകയും ചെയ്യും.

ലോക്കല്‍ സോണിംഗ് പോളിസി മാറ്റിപ്പണിയല്‍: കൂടുതല്‍ വീടുകള്‍ നിര്‍മ്മിക്കുന്നതിനായി തദ്ദേശ സ്വയംഭരണ സ്ഥാപനങ്ങള്‍ക്ക് ഗ്രാന്റുകളും സാമ്പത്തിക സഹായങ്ങളും നല്‍കി കര്‍ശനമായ നിയന്ത്രണങ്ങള്‍ ലഘൂകരിക്കും.

പ്രൈവറ്റ് ഇക്വിറ്റിക്ക് നിരോധനം: സ്വകാര്യ ഇക്വിറ്റി സ്ഥാപനങ്ങളും വന്‍കിട കോര്‍പ്പറേറ്റുകളും ഒറ്റപ്പെട്ട വീടുകള്‍ വ്യാപാരാടിസ്ഥാനത്തില്‍ വാങ്ങിക്കൂട്ടുന്നത് തടയും.

രാഷ്ട്രീയ വിവാദങ്ങളും പ്രതികരണങ്ങളും

നിയമം പ്രാബല്യത്തില്‍ വന്നതിനെച്ചൊല്ലി യുഎസ് രാഷ്ട്രീയത്തില്‍ വലിയ വാഗ്‌വാദങ്ങളാണ് നടക്കുന്നത്. പ്രസിഡന്റ് ഒപ്പിട്ടില്ലെങ്കിലും ഇതൊരു വലിയ നാഴികക്കല്ലാണെന്ന് ബൈപാര്‍ട്ടിസന്‍ പോളിസി സെന്റര്‍ പ്രതികരിച്ചു. രാജ്യത്തെ 89% വോട്ടര്‍മാരും പാര്‍പ്പിട ചിലവുകള്‍ കുറയ്ക്കുന്നതിനുള്ള നടപടികള്‍ ആവശ്യപ്പെട്ടിരുന്നതായി അവര്‍ ചൂണ്ടിക്കാട്ടി.

ട്രംപിന്റെ നടപടിയെ അതിശക്തമായ ഭാഷയിലാണ് ഡെമോക്രാറ്റിക് സെനറ്റര്‍ എലിസബത്ത് വാറന്‍ വിമര്‍ശിച്ചത്. ജനങ്ങളുടെ പാര്‍പ്പിട ചിലവ് കുറയ്ക്കുന്നതില്‍ ട്രംപിന് ഒരു താല്‍പ്പര്യവുമില്ലെന്നും തനിക്ക് വ്യക്തിപരമായി ലാഭമില്ലാത്തതിനാലാണ് അദ്ദേഹം പേനയെടുക്കാതിരുന്നതെന്നും വാറന്‍ കുറ്റപ്പെടുത്തി. എന്നാല്‍ ട്രംപിന്റെ നടപടിയെ ജനപ്രതിനിധി സഭയുടെ സ്പീക്കര്‍ മൈക്ക് ജോണ്‍സണ്‍ ന്യായീകരിച്ചു. തിരഞ്ഞെടുപ്പ് സുതാര്യത ഉറപ്പാക്കുന്ന നിയമത്തിനാണ് പ്രസിഡന്റ് മുന്‍ഗണന നല്‍കുന്നതെന്നും, ആ സന്ദേശം നല്‍കാനാണ് അദ്ദേഹം ശ്രമിച്ചതെന്നും ജോണ്‍സണ്‍ പറഞ്ഞു.

English Summary

In a major legislative milestone, a comprehensive U.S. housing reform bill known as the "21st Century ROAD to Housing Act" automatically became law at midnight on Saturday without President Donald Trump's signature. Trump deliberately refused to sign the bipartisan legislation—which aims to lower housing costs, spur new construction, and ban private equity firms from buying single-family homes—as a protest against Congress failing to pass his preferred election reform measure, the SAVE America Act. Under constitutional rules, the bill was enacted after a 10-day period without a presidential veto, drawing praise from supporters who view it as a crucial step toward fixing the nation's affordability crisis and sharp criticism from Democrats over the president's refusal to endorse it.