കണക്റ്റിക്കട്ടിലെ നാല് യുഎസ് ഹൗസ് പ്രതിനിധികൾക്ക് ഭീഷണി സന്ദേശം

NOVEMBER 29, 2024, 8:03 AM

വാഷിംഗ്‌ടൺ: താങ്ക്സ് ഗിവിംഗ് അവധി ദിനത്തിൽ കണക്റ്റിക്കട്ടിലെ നാല് ഹൗസ് പ്രതിനിധികൾക്ക് ബോംബ് ഭീഷണി. ജഹാന ഹെയ്‌സ്, ജിം ഹിംസ്, ജോൺ ലാർസൺ, ജോ കോർട്ട്‌നി എന്നിവർക്കാണ് ഭീഷണി നേരിടേണ്ടി വന്നത്.

കണക്റ്റിക്കട്ടിൻ്റെ അഞ്ചാമത്തെ ഹൗസ് പ്രതിനിധി റോസ ഡെലോറോ തനിക്ക് അത്തരമൊരു മുന്നറിയിപ്പ് ലഭിച്ചതായി സൂചിപ്പിച്ചിട്ടില്ല.

പ്രതിരോധം, പാർപ്പിടം, കൃഷി, തൊഴിൽ എന്നീ വകുപ്പുകളെ നയിക്കാൻ ട്രംപ് തിരഞ്ഞെടുത്ത ഒമ്പത് പേർക്കും ഐക്യരാഷ്ട്രസഭയിലെ യുഎസ് അംബാസഡറായി തിരഞ്ഞെടുക്കപ്പെട്ടവർക്കും ഭീഷണി സന്ദേശം ലഭിച്ചതായി റിപ്പോർട്ടുണ്ട്.

എൻ്റെ വീട്ടിലെ മെയിൽബോക്‌സിൽ പൈപ്പ് ബോംബ് വച്ചിരിക്കുന്നതായി ഭീഷണിപ്പെടുത്തുന്ന ഇമെയിൽ ലഭിച്ചതായി പ്രതിനിധി ഹെയ്‌സ് എക്‌സിൽ പോസ്റ്റ് ചെയ്ത പ്രസ്താവനയിൽ പറഞ്ഞു. എന്നാൽ ബോംബോ സ്‌ഫോടക വസ്തുക്കളോ കണ്ടെത്തിയില്ല,

ദശലക്ഷക്കണക്കിന് അമേരിക്കക്കാർ താങ്ക്‌സ്‌ഗിവിംഗ് ആഘോഷിക്കാൻ ഒത്തുകൂടിയിരിക്കെയാണ് ഭീഷണികൾ വരുന്നത്. ട്രംപിനെതിരായ ക്രിമിനൽ കേസുകൾക്ക് മേൽനോട്ടം വഹിച്ച ജഡ്ജിമാർക്കും പ്രോസിക്യൂട്ടർമാർക്കെതിരെയും മറ്റ് ഉന്നത രാഷ്ട്രീയ നേതാക്കൾക്കെതിരെയും സമാനമായ ഭീഷണി സന്ദേശങ്ങൾ അടുത്തിടെ ഉപയോഗിച്ചിരുന്നു.