ബാലികയെ ലൈംഗികമായി പീഡിപ്പിച്ച കേസിൽ ബസ് ഡ്രൈവർ അറസ്റ്റിൽ

NOVEMBER 29, 2025, 12:10 AM

കോൺറോ(ടെക്‌സസ്): ഒരു കുട്ടിയെ ലൈംഗികമായി പീഡിപ്പിച്ച കേസിൽ മോണ്ട്‌ഗോമറി കൗണ്ടിയിലെ ഒരു സ്‌കൂൾ ബസ് ഡ്രൈവറെ അറസ്റ്റ് ചെയ്ത് കേസെടുത്തു. മോണ്ട്‌ഗോമറി കൗണ്ടി ഷെരീഫ്‌സ് ഓഫീസ് (MCSO) ആണ് ഇക്കാര്യം അറിയിച്ചത്.

നവംബർ 27ന് (വ്യാഴാഴ്ച) ഉച്ചയ്ക്ക് 3 മണിയോടെ കോൺറോയിലെ റോയൽ ഡുയേൻ ഡ്രൈവിലെ ഒരു വിലാസത്തിൽ വെച്ചാണ് പീഡനം നടന്നതായി റിപ്പോർട്ട് ലഭിച്ചത്.

സംഭവത്തെക്കുറിച്ച് അന്വേഷിച്ച സ്‌പെഷ്യൽ വിക്ടിംസ് യൂണിറ്റ് ഡിറ്റക്റ്റീവുകൾ 38കാരനായ ജോനാഥൻ ക്രാൻഫില്ലിനെ തിരിച്ചറിഞ്ഞ് അറസ്റ്റ് ചെയ്തു. ഇയാൾക്കെതിരെ 'ലൈംഗിക പീഡനം' (Sexual Assault of a Child) ചുമത്തി.

vachakam
vachakam
vachakam

ക്രാൻഫിൽ നിലവിൽ ക്ലീവ്‌ലാന്റ് കടഉയിലെ സ്‌കൂൾ ബസ് ഡ്രൈവറായി ജോലി ചെയ്യുകയാണ്. മുമ്പ് കോൺറോ കടഉയിലും ഇയാൾ ഡ്രൈവറായി പ്രവർത്തിച്ചിട്ടുണ്ട്.

പ്രാഥമിക അന്വേഷണത്തിൽ ഈ ലൈംഗിക പീഡനക്കേസ് ഇയാളുടെ ഇപ്പോഴത്തെതോ മുൻപുള്ളതോ ആയ സ്‌കൂൾ ബസ് ഡ്രൈവർ ജോലിയുമായി ബന്ധമുള്ളതല്ലെന്ന് ഡിറ്റക്റ്റീവുകൾ അറിയിച്ചു.

ക്രാൻഫിൽ നിലവിൽ മോണ്ട്‌ഗോമറി കൗണ്ടി ജയിലിലാണുള്ളത്. സംഭവത്തിൽ കൂടുതൽ അന്വേഷണം നടക്കുകയാണെന്നും ഷെരീഫ്‌സ് ഓഫീസ് വ്യക്തമാക്കി.

vachakam
vachakam
vachakam

പി പി ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (
https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്

Get daily updates from vachakam.com

TRENDING NEWS
vachakam
vachakam
RELATED NEWS
vachakam