ആധുനിക ഫുട്ബോളിലെ ഇതിഹാസങ്ങളായി ലയണൽ മെസ്സിയും ക്രിസ്റ്റ്യാനോ റൊണാൾഡോയും കണക്കാക്കപ്പെടുന്നു. അസാധാരണ പ്രകടനങ്ങളിലൂടെ ഇരുവരും ഫുട്ബോൾ ലോകത്തെ വീണ്ടും വീണ്ടും അത്ഭുതപ്പെടുത്തുകയാണ്. ഇവരില്‍ ഏറ്റവും കേമന്‍ റൊണാള്‍ഡോയാണെന്നു ചൂണ്ടിക്കാണിച്ചിരിക്കുകയാണ് മുന്‍ അര്‍ജന്റൈന്‍ ഗോള്‍കീപ്പര്‍ ഹ്യൂഗോ ഗാട്ടി. താന്‍ എല്ലായ്‌പ്പോഴും മെസ്സിക്കു മുകളിലാണ് റോണോയെ കാണുന്നതെന്നും അദ്ദേഹം പറയുന്നു.

2022-ൽ ഖത്തറിൽ നടന്ന ഫിഫ ലോകകപ്പിൽ അർജന്റീനയെ ചാമ്പ്യന്മാരാക്കിയത് മെസ്സിയല്ലെന്ന് ഗാട്ടി പറഞ്ഞത്  ആരാധകരെ ഞെട്ടിച്ചിരുന്നു. പകരം, അർജന്റീനയുടെ നായകനായി ഗോൾകീപ്പർ എമിലിയാനോ മാർട്ടിനെസിനെ അദ്ദേഹം തിരഞ്ഞെടുത്തു. ഇപ്പോൾ, മെസ്സിയേക്കാൾ മികച്ചവനായി റൊണാൾഡോയെ പ്രശംസിച്ചുകൊണ്ട് ഗാട്ടി ആരാധകരെ ചൊടിപ്പിച്ചിരിക്കുകയാണ്.

എഡു അഗ്യുറയ്ക്ക് നൽകിയ അഭിമുഖത്തിൽ അർജന്റീനിയൻ ഗോൾകീപ്പർ ഹ്യൂഗോ ഗാട്ടി ക്രിസ്റ്റ്യാനോ റൊണാൾഡോയെ  പുകഴ്ത്തി. സമീപകാലത്ത് ലയണൽ മെസ്സിയേക്കാൾ ക്രിസ്റ്റ്യാനോ റൊണാൾഡോ പ്രാധാന്യമുള്ളവനായി. വലിയ ക്ലബ്ബുകൾക്കായി കളിച്ചിട്ടുണ്ട്. ധാരാളം മത്സരങ്ങളിൽ ഗോളുകൾ നേടിയിട്ടുള്ള ആളുമാണ് റൊണാൾഡോ. കളിക്കളത്തിൽ എപ്പോഴും റിസ്ക് എടുക്കുന്ന കളിക്കാരനാണ് അദ്ദേഹം.

ഫുട്ബോൾ ചരിത്രത്തിലെ ഏറ്റവും മികച്ച കളിക്കാരൻ താനാണെന്ന് റൊണാൾഡോ പറഞ്ഞിട്ടുണ്ട്. മെസ്സിയോ ഡീഗോ മറഡോണയോ അങ്ങനെ പറയുന്നത് ഞാൻ കേട്ടിട്ടില്ല. പക്ഷേ റൊണാൾഡോ അത് നിങ്ങളോട് പറഞ്ഞിട്ടുണ്ട്. അതു അദ്ദേഹത്തെ സംബന്ധിച്ച്‌ മോശമായി തോന്നിയിട്ടില്ലെന്നും ഗാട്ടി വ്യക്തമാക്കി.

ഒരുപാട് ക്രിസ്റ്റ്യാനോ റൊണാള്‍ഡോമാര്‍ ഉണ്ടായിരുന്നെങ്കില്‍ എന്നു ഞാന്‍ ആഗ്രഹിച്ചു പോവുകയാണ്. കാരണം അങ്ങനെ ചിന്തിക്കുന്ന, പക്ഷെ ഇക്കാര്യം പറയാത്ത കൂടുതല്‍ താരങ്ങളെ അതു മെച്ചപ്പെടുത്തുകയും പ്രചോദിപ്പിക്കുകയും ചെയ്യും. മെസ്സിയില്‍ നിന്നും റൊണാള്‍ഡോയെ വ്യത്യസ്തനാക്കുന്നതും ഉതാണ് അദ്ദേഹം കൂട്ടിച്ചേർത്തു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്