കൊച്ചി: സ്ത്രീകളുടെ പൊതുരംഗത്തെ പങ്കാളിത്തത്തെക്കുറിച്ചുള്ള തന്റെ മുന് നിലപാടുകളില് മാറ്റമില്ലെന്ന് വ്യക്തമാക്കി കാന്തപുരം എ.പി അബൂബക്കര് മുസ്ലിയാര്. സ്ത്രീകള് വീട്ടില് അടങ്ങിയൊതുങ്ങി കഴിയണമെന്നും അവര് പൊതുനിരത്തില് ഇറങ്ങുന്നത് സമൂഹത്തില് വലിയ വിപത്തുകള്ക്ക് വഴിവെക്കുമെന്നുമുള്ള പരാമര്ശം കൊച്ചിയില് നടന്ന കേരള മുസ്ലിം ജമാഅത്തിന്റെ ഹുബ്ബുറസൂല് സമ്മേളനത്തിലാണ് അദ്ദേഹം വീണ്ടും ആവര്ത്തിച്ചത്. സ്ത്രീകളെ പൊതുരംഗത്തുനിന്നും മാറ്റിനിര്ത്തുന്നത് അവരോടുള്ള ആദരവ് മൂലമാണെന്നാണ് അദ്ദേഹത്തിന്റെ വാദം.
ഇസ്ലാമിക നിയമങ്ങളും ഖുര്ആനിക അധ്യാപനങ്ങളും പ്രയോഗവല്ക്കരിക്കുന്നതിന്റെ ഭാഗമായാണ് പര്ദ സമ്പ്രദായം നിശ്ചയിച്ചിട്ടുള്ളതെന്നും ബുദ്ധിപരമായി ചിന്തിച്ചാലും ഇതാണ് ശരിയായ രീതി എന്നും കാന്തപുരം അഭിപ്രായപ്പെട്ടു. തങ്ങളുടെ പ്രസ്താവനകളെ ചോദ്യം ചെയ്യുന്നവര്ക്ക് മറുപടിയായി, മതകാര്യങ്ങളില് ആഴത്തില് അറിവുള്ളവര് എന്ന നിലയില് വിശ്വാസികളെ കാര്യം ധരിപ്പിക്കുക എന്നത് സ്വന്തം ചുമതലയാണെന്നും അദ്ദേഹം കൂട്ടിച്ചേര്ത്തു.
നേരത്തെ നബിദിന റാലികളില് സ്ത്രീകളും പെണ്കുട്ടികളും അന്യപുരുഷന്മാര്ക്കൊപ്പം പങ്കെടുത്തതിനെതിരെ കാന്തപുരം വിഭാഗം ഒരു സര്ക്കുലര് പുറപ്പെടുവിച്ചിരുന്നു. സ്ത്രീകള് പൊതുവേദികളില് വരുന്നത് വിലക്കിക്കൊണ്ടുള്ള ഈ നീക്കം വന് പ്രതിഷേധങ്ങള്ക്കും സംവാദങ്ങള്ക്കും വഴിവെച്ചിരുന്നെങ്കിലും, പൊതുസമൂഹത്തില് നിന്ന് ഉയരുന്ന വിമര്ശനങ്ങള്ക്ക് വഴങ്ങില്ലെന്ന ഉറച്ച സന്ദേശമാണ് കൊച്ചിയിലെ സമ്മേളനത്തിലൂടെ കാന്തപുരം നല്കുന്നത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20201019113439.jpg)
-20260413101910.jpg)
-20260320092004.webp)
-20260408101117.jpg)
