വാഷിംഗ്ടൺ: ഗ്രീസിലെ യു.എസ് അംബാസഡറും മുൻ ട്രംപ് ക്യാമ്പെയ്ൻ വക്താവുമായ കിംബർലി ഗിൽഫോയിലിനോട് സ്ഥാനമൊഴിയാൻ ആവശ്യപ്പെട്ട് വൈറ്റ് ഹൗസ്. സാമ്പത്തിക ക്രമക്കേടുകളും ഔദ്യോഗിക പദവി ദുരുപയോഗം ചെയ്തെന്ന ആരോപണങ്ങളും നേരിടുന്ന പശ്ചാത്തലത്തിലാണ് നടപടി.
പുതിയ വൈറ്റ് ഹൗസ് പ്രസ് സെക്രട്ടറി കേറ്റി സക്കറിയയാണ് ചൊവ്വാഴ്ച നടത്തിയ തന്റെ ആദ്യ വാർത്താ സമ്മേളനത്തിൽ ഇക്കാര്യം ഔദ്യോഗികമായി സ്ഥിരീകരിച്ചത്.
"അംബാസഡർ ഗിൽഫോയിലിനോട് രാജി സമർപ്പിക്കാൻ ഞങ്ങൾ ആവശ്യപ്പെട്ടിട്ടുണ്ട്. ഭരണകൂടത്തിന് അവർ വലിയൊരു സമ്പത്തായിരുന്നു, അവരുടെ ഭാവിക്ക് എല്ലാവിധ ആശംസകളും നേരുന്നു," പ്രസ് സെക്രട്ടറി മാധ്യമങ്ങളോട് പറഞ്ഞു.
എന്നാൽ ഗിൽഫോയിൽ ഇതുവരെ രാജി നൽകിയിട്ടുണ്ടോ എന്ന കാര്യത്തിൽ ഔദ്യോഗിക സ്ഥിരീകരണം വന്നിട്ടില്ല. സ്റ്റേറ്റ് ഡിപ്പാർട്ട്‌മെന്റിന്റെ ഇൻസ്പെക്ടർ ജനറൽ ഓഫീസ് ഗിൽഫോയിലിനെതിരെ അന്വേഷണം നടത്തിവരികയാണ്. ഗ്രീസിലെ വ്യവസായ പ്രമുഖർ നൽകിയ ആഡംബര യാത്രകളും ആനുകൂല്യങ്ങളും കൈപ്പറ്റിയെന്നും തനിക്കുള്ള സ്വാധീനം ഉപയോഗിച്ച് വഴിവിട്ട സഹായങ്ങൾ വാഗ്ദാനം ചെയ്തെന്നുമാണ് പ്രധാന ആരോപണം.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20250912034600.jpg)
-20201004104034.jpg)
-20260603054738.jpg)
