മുൻ ഉപരാഷ്ട്രപതി ജഗ്ദീപ് ധൻകറിനെ ഡൽഹിയിലെ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ് (എയിംസ്) ആശുപത്രിയിൽ പ്രവേശിപ്പിച്ചു. ബുധനാഴ്ച രാവിലെ പ്രഭാത സവാളിക്കിടെ കുഴഞ്ഞുവീണതിനെ തുടർന്നാണ് അദ്ദേഹത്തെ ആശുപത്രിയിലെത്തിച്ചതെന്ന് വാർത്താ ഏജൻസിയായ പിടിഐ വൃത്തങ്ങളെ ഉദ്ധരിച്ച് റിപ്പോർട്ട് ചെയ്തു.
75 വയസ്സുകാരനായ ധൻകർ ബോധരഹിതനായി കുറച്ചുനേരം കിടന്നു എന്നാണ് വിവരം. അദ്ദേഹത്തിന്റെ ആരോഗ്യനില മോശമായതിനെ തുടർന്ന് ഉടൻ തന്നെ ആംബുലൻസിൽ ആശുപത്രിയിലേക്ക് മാറ്റി.
സുരക്ഷാ ഉദ്യോഗസ്ഥർ അദ്ദേഹത്തെ പോലീസ് കൺട്രോൾ റൂം (പിസിആർ) വാഹനത്തിൽ വീട്ടിലെത്തിക്കുകയായിരുന്നു. പിന്നീട് ഐഎൽബിഎസ് മെഡിക്കൽ സംഘവും എയിംസ് ഡോക്ടർ സന്ദീപ് സേത്തും അദ്ദേഹത്തിന് പ്രാഥമിക പരിചരണം നൽകി.
തുടർന്ന് ആംബുലൻസിൽ എയിംസിലെ കാർഡിയോ-ന്യൂറോ സെന്ററിലാണ് അദ്ദേഹത്തെ പ്രവേശിപ്പിച്ചത്. നിലവിൽ കാർഡിയോളജി വിഭാഗത്തിന്റെ നിരീക്ഷണത്തിൽ ചികിത്സയിലാണെന്ന് ആശുപത്രി വൃത്തങ്ങൾ അറിയിച്ചു.
അദ്ദേഹത്തിന്റെ നിലവിലെ ആരോഗ്യസ്ഥിതിയെക്കുറിച്ചോ കുഴഞ്ഞുവീഴാൻ ഇടയാക്കിയ സാഹചര്യങ്ങളെക്കുറിച്ചോ ഉടനടി വിവരങ്ങൾ ലഭ്യമായിട്ടില്ല. എയിംസ് അധികൃതർ ഔദ്യോഗിക പ്രസ്താവനകളൊന്നും പുറത്തുവിട്ടിട്ടില്ല.
English Summary: Former Vice President Jagdeep Dhankhar was admitted to AIIMS in Delhi after collapsing during his morning walk on Wednesday. The 75-year-old was taken to the hospital by ambulance and is currently undergoing treatment in the Cardio-Neuro Centre under the Cardiology Department. AIIMS authorities have not yet released an official statement regarding his condition. Dhankhar served as India's 14th vice president from August 2022 until July 2025.
Tags: Jagdeep Dhankhar, AIIMS Delhi, Former Vice President, Health Update, Malayalam News, News Malayalam, Latest Malayalam News, Vachakam News, India News, Politics News
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20201019122406.jpg)
