ന്യൂയോർക്ക് /ന്യൂഡൽഹി: വിദേശത്ത് താമസിക്കുന്ന ഇന്ത്യക്കാർക്കും വിദേശ നിക്ഷേപകർക്കും വലിയ ആശ്വാസം നൽകിക്കൊണ്ട് സെക്യൂരിറ്റീസ് ആൻഡ് എക്‌സ്‌ചേഞ്ച് ബോർഡ് ഓഫ് ഇന്ത്യ പുതിയ ഇളവുകൾ പ്രഖ്യാപിച്ചു. ബാങ്ക് അക്കൗണ്ടുകൾ, മ്യൂച്വൽ ഫണ്ടുകൾ, ഓഹരി വിപണി നിക്ഷേപങ്ങൾ എന്നിവയ്ക്കായി ആവശ്യമായ 'കെ.വൈ.സി' നടപടികൾ ഇനി മുതൽ ഇന്ത്യയിൽ നേരിട്ടെത്താതെ തന്നെ വിദേശത്തിരുന്നു പൂർണ്ണമായും ഓൺലൈനായി പൂർത്തിയാക്കാൻ സാധിക്കുമെന്ന് സെബി വ്യക്തമാക്കി.
മുൻപ് ഡിജിറ്റൽ കെ.വൈ.സി പൂർത്തിയാക്കണമെങ്കിൽ പോലും നിക്ഷേപകർ ഇന്ത്യയിൽ ഉണ്ടായിരിക്കണമെന്നത് നിർബന്ധമായിരുന്നു. ഇത് യു.എസ്, യു.കെ, കാനഡ, ഓസ്‌ട്രേലിയ, യു.എ.ഇ, സിംഗപ്പൂർ തുടങ്ങിയ രാജ്യങ്ങളിൽ ജീവിക്കുന്ന പ്രവാസികൾക്ക് ഏറെ ബുദ്ധിമുട്ടുകൾ സൃഷ്ടിച്ചിരുന്നു. ഈ പ്രതിസന്ധിക്കാണ് പുതിയ ഉത്തരവോടെ പരിഹാരമാകുന്നത്.
ലോകത്തെവിടെയിരുന്നും കെ.വൈ.സി: ഫിനാൻഷ്യൽ ആക്ഷൻ ടാസ്‌ക് ഫോഴ്‌സ് മാനദണ്ഡങ്ങൾ പാലിക്കുന്ന രാജ്യങ്ങളിൽ താമസിക്കുന്ന പ്രവാസികൾക്ക് ഇനി ഡിജിറ്റൽ സംവിധാനത്തിലൂടെ കെ.വൈ.സി സമർപ്പിക്കാം.
ലളിതമായ രേഖ സമർപ്പണവും ഓൺലൈൻ പരിശോധനയും: പാൻ കാർഡ്, പാസ്‌പോർട്ട്, ഒ.സി.ഐ കാർഡ്, വിലാസം തെളിയിക്കുന്ന രേഖകൾ എന്നിവ ഓൺലൈനായി നൽകാം. നേരിട്ടുള്ള പരിശോധന സാധ്യമല്ലാത്ത സാഹചര്യങ്ങളിൽ വിഡിയോ ഇൻപേഴ്‌സൺ വെരിഫിക്കേഷൻ വഴി തത്സമയ വിഡിയോ കോളിലൂടെ പരിശോധന പൂർത്തിയാക്കും. സുരക്ഷയ്ക്കായി ഈ വിഡിയോ സെഷനുകൾ എൻക്രിപ്റ്റ് ചെയ്തതും ജിയോടാഗ് ചെയ്തതുമായിരിക്കും.
രേഖകൾ പങ്കുവെക്കാനുള്ള സൗകര്യം: ഒരു സ്ഥാപനം വഴിയോ ബ്രോക്കർ വഴിയോ ഒരിക്കൽ കെ.വൈ.സി പൂർത്തിയാക്കിയാൽ, ആ വിവരങ്ങൾ പിന്നീട് മറ്റ് സ്ഥാപനങ്ങൾക്കും ഉപയോഗിക്കാൻ സാധിക്കും. ഇതിലൂടെ ഓരോ തവണയും പ്രക്രിയകൾ ആവർത്തിക്കേണ്ടി വരുന്ന ബുദ്ധിമുട്ട് ഒഴിവാകുന്നു.
ഇന്ത്യൻ സാമ്പത്തിക വിപണിയിലേക്ക് കൂടുതൽ പ്രവാസി നിക്ഷേപങ്ങളെ ആകർഷിക്കുന്നതിനും നിക്ഷേപകർക്കായുള്ള നടപടിക്രമങ്ങൾ ലളിതമാക്കുന്നതിനും സെബിയുടെ ഈ പുതിയ പരിഷ്‌കാരം ഏറെ സഹായിക്കുമെന്നാണ് വിലയിരുത്തപ്പെടുന്നത്.
പി.പി. ചെറിയാൻ
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20261111091016.jpg)
-20261111085040.jpg)
