കോട്ടയം: കൈക്കൂലി കേസിൽ സർക്കിൾ ഇൻസ്പെക്ടറെ വിജിലൻസ് അറസ്റ്റ് ചെയ്തു. ഏറെ നാളായി മണ്ണ് മാഫിയകളുടെ കയ്യിൽ നിന്നും ക്രിമിനൽ കേസ് പ്രതികളിൽ നിന്നും കൈക്കൂലി വാങ്ങിയിരുന്നു.
വൈക്കം സിഐ ആയി ചുമതലയേറ്റതിന് ശേഷം മാത്രം നടത്തിയ പണമിടപാടിലാണ് ഇപ്പോഴത്തെ അറസ്റ്റ്.
വൈക്കം സിഐ ആയിരുന്ന പി.എ. ഷമീർഖാനാണ് പിടിയിലായത്. അസം സ്വദേശിയുടെ പേരിൽ ബാങ്ക് അക്കൗണ്ട് തുടങ്ങി മണ്ണ് മാഫിയയിൽ നിന്നടക്കം വൻ തോതിൽ പണം വാങ്ങുകയായിരുന്നു ഷമീർഖാൻ. കേസെടുത്തതിന് പിന്നാലെ ഇയളെ സർവീസിൽ നിന്ന് സസ്പെന്‍റ് ചെയ്തിരുന്നു. കൂടുതൽ തെളിവുകൾ ശേഖരിച്ച ശേഷമാണ് മുണ്ടക്കയം വിളനിലം സ്വദേശിയായ ഷമീ‌ർഖാനെ വിജിലൻസ് അറസ്റ്റ് ചെയ്തത്. ഇയാൾക്കെതിരെ മുമ്പും കൈക്കൂലി ആക്ഷേപങ്ങളുണ്ടായിരുന്നു.
അസം സ്വദേശിയെ ഭീഷണിപ്പെടുത്തി ഷമീർഖാൻ സെപ്റ്റംബർ അഞ്ചിന് കാനറ ബാങ്കിൽ ഒരു അക്കൗണ്ട് എടുപ്പിച്ചു. വൈക്കം സ്വദേശിയായ അരുൺ എന്നയാളുടെ പേരിലുള്ള മൊബൈൽ നമ്പർ ആണ് അക്കൗണ്ടിന് നൽകിയത്. തുടർന്ന് ബാങ്ക് പാസ് ബുക്കും എടിഎം കാർഡും സിംകാർഡും ഷമീർഖാൻ കൈവശം വച്ചു. ഈ അക്കൗണ്ടിലേക്ക് ആണ് യുപിഐ വഴി മണ്ണ് മാഫിയ, ലോറിക്കാർ, ടിപ്പർ, ടോറസ് ഉടമകൾ ക്രിമിനൽ കേസ് പ്രതികൾ എന്നിവരിൽ നിന്ന് പണം വാങ്ങിയത്. സെപ്റ്റംബർ അഞ്ച് മുതൽ ഒക്ടോബർ പത്ത് വരെ 227000 രൂപയാണ് അക്കൗണ്ടിലെത്തിയത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20261111091016.jpg)
