ദില്ലി: എഐസിസി ആസ്ഥാനത്തെ സ്വാതന്ത്ര്യദിനാഘോഷത്തിനിടയിലെ വന്ദേമാതര വിവാദത്തിൽ കോൺഗ്രസ് മുൻ അധ്യക്ഷ സോണിയഗാന്ധി പരസ്യമായി മാപ്പ് പറയണമെന്ന ആവശ്യം ശക്തമാക്കി ബിജെപി രംഗത്ത്.ദേശീയ ഗീതാലാപനം തടസപ്പെടുത്താൻ ശ്രമിച്ചതിന് സോണിയക്കെതിരെ നിയമനടപടി സ്വീകരിക്കുന്നതിൽ ബിജെപിയിൽ ശക്തമായ ആലോചനയാണ് നടക്കുന്നത്.
കൂടാതെ, വന്ദേമാതരം പൂർണമായും ആലപിക്കാൻ പാടില്ല എന്നതാണ് പാർട്ടി നയമെന്ന് ലോക്സഭ പ്രതിപക്ഷ നേതാവ് രാഹുൽ ഗാന്ധി സേവാദൾ നേതാവിനോട് പറയുന്നതായുള്ള ദൃശ്യങ്ങൾ നിഷികാന്ത് ദുബൈ എം പി പുറത്ത് വിട്ടിരുന്നു. വിവാദമായ ചടങ്ങിന് തൊട്ടുപിന്നാലെ സേവാദൾ നേതാവിനോട് സംസാരിക്കുന്നതാണ് ദൃശ്യത്തിലുള്ളത്. ഇത് രാഹുലിനെതിരെയും ആയുധമാക്കാനുള്ള നീക്കത്തിലാണ് ബിജെപി.
ചരിത്രത്തിലാദ്യമായാണ് സ്വാതന്ത്ര്യദിനത്തിൽ എഐസിസി ആസ്ഥാനത്ത് വന്ദേമാതരം പൂർണ്ണമായും ആലപിച്ചത്. സോണിയ ഗാന്ധിയും, രാഹുല് ഗാന്ധിയും, മല്ലികാര്ജുന് ഖര്ഗെയും ഇടപെട്ട് തടയാന് നോക്കിയെങ്കിലും ദേശീയഗീതം, ഗായക സംഘം പൂര്ണ്ണമായും ആലപിച്ചു. ആദ്യ രണ്ട് ചരണങ്ങള് കഴിഞ്ഞും ആലാപനം തുടര്ന്നതോടെ നേതാക്കള് അസ്വസ്ഥരായി.
ഇങ്ങനെ തുടര്ന്നാല് ശരിയാവില്ലെന്ന സൂചനയോടെ രാഹുല് ഗാന്ധി, സോണിയ ഗാന്ധിയേയും മല്ലികാര്ജുന് ഖര്ഗെയേയും നോക്കി. ഈ സമയം മല്ലികാര്ജുന് ഖര്ഗെയും സോണിയ ഗാന്ധിയും ഇടപെട്ടു. സേവാദള് നേതാവിനെ വിളിച്ച് സോണിയ ശകാരിക്കുന്നതും കാണാമായിരുന്നു. അപ്പോഴേക്കും ഏതാണ്ട് അവസാന ചരണമെത്തിയിരുന്നു. കടുത്ത അതൃപ്തിയിലാണ് നേതാക്കള് പിന്നീട് ചടങ്ങില് പങ്കെടുത്തത്.അതേസമയം, വന്ദേമാതരം പൂര്ണ്ണമായും ആലപിക്കാനിടയായ സാഹചര്യമെന്തെന്ന് നേതൃത്വം വിശദീകരിച്ചിട്ടില്ല.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260816031206.jpg)
