ഡാളസ്: ഡാളസ് സിറ്റിവൈഡ് ഫെലോഷിപ്പിന്റെ ആഭിമുഖ്യത്തിൽ സംഘടിപ്പിച്ച 'മിഷൻ സംഗമം2026' ജൂൺ 27 ശനിയാഴ്ച ഗാർലന്റിലെ കംഫർട്ട് ഫുൾ ഗോസ്പൽ ചർച്ചിൽ വെച്ച് വിജയകരമായി നടന്നു.
രാവിലെ 10മണി മുതൽ ഉച്ചയ്ക്ക് 12:30 വരെ നടന്ന സമ്മേളനത്തിൽ ഡാളസ് ഫോർട്ട് വർത്ത് മെട്രോപ്ലെക്സിലെ വിവിധ സഭകളിൽ നിന്നും സംഘടനകളിൽ നിന്നുമുള്ള നിരവധി വിശ്വാസികളും പാസ്റ്റേഴ്സും പങ്കെടുത്തു.
അമേരിക്കയിലേക്ക് കുടിയേറി, നിലവിൽ ഡാളസ് പട്ടണത്തിൽ താമസിച്ചുകൊണ്ട് ലോകത്തിന്റെ വിവിധ ഭാഗങ്ങളിൽ മിഷണറി പ്രവർത്തനങ്ങൾ നടത്തുന്ന വ്യക്തികളെയും സംഘടനകളെയും പരിചയപ്പെടുത്തുക എന്ന ലക്ഷ്യത്തോടെയാണ് ഈ സംഗമം സംഘടിപ്പിച്ചത്.
വിവിധ സുവിശേഷീകരണ മേഖലകളിൽ, ലോകത്ത് പല സ്ഥലങ്ങളിലായി പ്രവർത്തിക്കുന്ന 20ഓളം മിനിസ്ട്രി ലീഡർമാർ തങ്ങളുടെ പ്രവർത്തനങ്ങളെക്കുറിച്ച് സമ്മേളനത്തിൽ അവതരിപ്പിച്ചു.
ദീർഘകാലമായി വടക്കേ ഇന്ത്യയിൽ മിഷനറിയായി പ്രവർത്തിക്കുന്ന 'മസീഹ് മണ്ഡലി' സഭയുടെ പ്രസിഡന്റ് പാസ്റ്റർ സജി മാത്യു സമ്മേളനത്തിൽ മുഖ്യാതിഥിയായിരുന്നു. കാലഘട്ടത്തിന്റെ ആവശ്യകതയറിഞ്ഞ് മിഷൻ രംഗത്തേക്ക് കൂടുതൽ ആളുകൾ കടന്നുവരണമെന്ന് അദ്ദേഹം തന്റെ ശക്തമായ മിഷൻ ചലഞ്ചിലൂടെ ആഹ്വാനം ചെയ്തു.
തുടർന്ന് നടന്ന പ്രത്യേക പ്രാർത്ഥനയ്ക്ക് പാസ്റ്റർ ഷാജി കരയ്ക്കൽ നേതൃത്വം നൽകുകയും സമ്മേളനത്തിൽ പങ്കെടുത്തവർക്കായി അനുഗ്രഹ പ്രാർത്ഥന നടത്തുകയും ചെയ്തു. റവ. തോമസ് മുല്ലയ്ക്കൽ(ചെയർമാൻ), റവ. ഡോ. തോമസ് ഇടിക്കുള(കോചെയർമാൻ), എസ്. പി. ജെയിംസ്(സെക്രട്ടറി), തോമസ് ചെല്ലേത്ത് (ട്രഷറാർ) എന്നിവർ സമ്മേളനത്തിന് നേതൃത്വം നൽകി.
മ്യൂസിക് കോർഡിനേറ്റർ ബ്ലെസ്സൻ കുന്നേൽ നേതൃത്വം നൽകിയ സംഗീതശുശ്രൂഷയിൽ കംഫർട്ട് ഫുൾ ഗോസ്പൽ ചർച്ച് ക്വയർ ഗാനങ്ങൾ ആലപിച്ചു. കൂടുതൽ വിവരങ്ങൾക്ക് www.Dallasctiywide.org സന്ദർശിക്കാവുന്നതാണ്.
രാജൂ തരകൻ
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260701025420.jpg)
-20201002015842.jpg)
